Trugarez vras da Lleuwen : daoust d'al labour start gant an droiad "Merc'h an Eog" e Kembre, a benn nebeut e Breizh, kemeret he deus amzer da respont d'ar c'houlennoù savet dezhi.

ABP : Tremen a ra mat pep tra ? Penaos eo bout star abadenn nevez Teatr Piba /Theatr Genedlaethol Cymru?

Lleuwen Steffan : N'on ket star.

Tout hor skipailh a labour evit ar memes pal, lakaat an istor war al leurenn.

Al labour a blij din eo al labour prientiñ a vez graet a-raok mont war al leurenn... klask an dudenn, klask kompren ar pezh zo en he fenn, petra eo he fal. Ur sapre beaj eo bet... evit ar penn hag ar c'horf !

Plijus tre eo din c'hoari a-nevez ha dreist skoulmañ liammou etre an dud hag ar broioù. Diaes e kavan bezañ 'barzh kroc'hen Mair, an dudenn a c'hoarian. Diaes eo dezhi lezel an traou da vont ha derc'hel penn. Bevañ a zo diaes dezhi. Met ne meus ket aon ober traou diaes. Ar c'hontrol! Deskiñ a ran kement hag un enor eo bezañ Mair evit tri miz.

ABP : Penaos labourat gant daou leurenner e teir yezh ?

LS : Deuet eo a-benn al leurennerien d'en em ober an eil gant egile abred tre e-pad ar pleustradegou. Dedennet on bet gant o daou zoare disheñvel da leurenniñ.

Thomas Cloareg a labour kalz gant ar c'horf ha gant ar skeudennoù a wel (war ?) al leurenn, labouret en deus kalz gant Sirk Broadel Vietnam ha gwelet 'vez an awen-se en e labour, a gav din. Labourat a ra kalz gant sonerezh ha skeudennoù, an teknik tro-dro ivez, ar skrammoù hag an trouzioù.

Sara Lloyd a labour gant an destenn dreist-holl. Doare Stanislavski ha Sanford Meisner a implij kalz... Mont don en hon tudennoù evit kompren piv int, ar perak hag ar petra eus ar pezh zo e-barzh o fennoù.

A benn ar fin an doareoù disheñvel da leurenniñ, a soñjan, a sikour ac'hanon da glask an dudenn hollek. Em fenn hag em c'horf, penn-kil ha-troad ! D'am soñj o deus Thomas ha Sara desket traoù an eil gant egile. Gwelout a ran o deus an daou doujañs evit labour an hini all. Plijus eo gwelet an dra se.

ABP : Kanañ pe c'hoari : petra 'blij ar muiañ dit ?

LS : Sevel kanaouennou ha seniñ a zo un dra a zeu aes awalc'h din. Atav eo bet e-mod-se, n'ouzon ket perak ha ne glaskan ket kompren. 'Mod-se emañ.

Sioulaet e vez ma spered gant ar gitar hag he sonerezh hag ar gerioù a zeu da heul ar sonerezh a ra din kompren traoù zo. Ober a ran se evidon da gentañ, gwell a se ma plij d'an dud all ivez.

Paouezet e oan gant al labour aktourez abaoe m'eo ganet ma bugale. Techet on da vont re e-barzh an tudennou, ezhomm em boa un tamm ehan gant an doare-se se da vevañ, un tamm ehan gant ar vicher. Bet oan bet o vevañ gant ma valizenn e-pad bloavezhiou, o vont eus un droiad d'unan all. Poent e oa din kavout ul lec'h da chom. Met marteze eo poent din klask ur c'hempouez etre bezañ gouest da c'hoari, seniñ, bezañ mamm ha chom fur bremañ. Plijout a ra din al labourioù-se ken ha ken hag ar pezh diaesañ n'eo ket al labour met ar c'hempouez.

• Kejadenn Gentañ ar C'hoarivaoù e Yezhoù Bro Frañs par C'Hoariva le 04/07/2019
• Margodennoù : evit ar vugale, emit-hu ? par Kerne Multimédia le 04/11/2017
• C'hoariva er skol : un doare da vevañ ar yezh tostoc'h ouzh ar vugale ? par Kerne Multimédia le 11/09/2017
• Les Rias 2017, c'est fini ! par Kerne Multimédia le 03/09/2017
• Les tondues : 20 000 femmes silencieuses mises à l'honneur par Kerne Multimédia le 31/08/2017
• Ar c'hoariva : treuzkas an tan ? par Kerne Multimédia le 28/08/2017
• Anna Vreizh adskrivet gant ar grennarded par Kerne Multimédia le 13/06/2017
• La Caminata, pezh c'hoari nevez La Obra : ur c'hoariva politikel ? par Kerne Multimédia le 01/02/2017
• Deizioù : théâtre "La Caminata", par La Obra, à Lorient le 10 février par Emglev Bro An Oriant le 24/01/2017
• Jean Kergrist : auteur, clown, chroniqueur par Kerne Multimédia le 22/10/2016