ABP

- Discours -

Obidoù Jean-Christophe Cassard : prezegenn gant Paolig Combot

Jean-Christophe, mignon kaezh. Un nebeud gerioù e brezhoneg, peogwir e oas ezel euz Ar Falz / Skol Vreizh abaoe 37 vloaz, eveldon-me, ha peogwir ez out bet, da vuhez-pad, un den kar-e-vro ha kar-e-yezh.

Par Jean-René Le Quéau pour Éditions Skol Vreizh le 16/01/13 19:00

Da-genver obidoù istorian Vreizhad Jean-Christophe Cassard, ( voir notre article ) hag ( voir notre article ), hag a oa bet degouezhet e Lokireg d'an 12 a viz Genver, setu ar prezegenn gant Paolig Combot, prezidant Ar Falz / Skol Vreizh.

Jean-Christophe, mignon kaezh

Un nebeud gerioù e brezhoneg, peogwir e oas ezel euz Ar Falz / Skol Vreizh abaoe 37 vloaz, eveldon-me, ha peogwir ez out bet, da vuhez-pad, un den kar-e-vro ha kar-e-yezh.

Pemzektez zo hon doa kollet ur mignon all, Albert Boché ( voir notre article ) hag ( voir notre article ) e galleg, ur mailh heb e bar war ar brezhoneg.

Hiriw e kollomp ac'hanout, Jean-Christophe, te hag a zo bet un mailh heb e bar war istor Breizh : daou Vreizhad a ouenn vad o paouez kuitaat ac'hanomp. Pebezh koll evidomp, evid ar Vretoned, evid an denelezh en he fezh !

Evel klasker ha kelenner, 't eus labouret a-hed da vuhez war istor ar Grenn Amzer, heni hon bro, med ivez heni bro-C'hall : gouestlet e oa da levr diwezhañ da istor ar rouanez kapesian (1) ; anavezet e oa da varregezh gant an oll : studierien, kelennerien, lennerien.

Evel stourmer, 't eus klasket lakaat da dremenn ha da anavezout un tamm euz 'pezh a ouiez war-du ar Vretoned hag ar re a gar hon bro, un deg bennag a levrioù embannet gant Skol Vreizh pe e lec'h all, heb kontañ ar pennadoù 't eus savet a vil-vern, embannet amañ hag a-hont (un 60 bennag evid Geriadur istor Breizh (2) paneve ken).

Evel den, ez eo bet plijus-kenañ labourat ganit, ken digor ha ken speredeg e oas, med ivez ken resis ha ken lemm da spered.

Trugarez vraz dit, Jean-Christophe, evid toud ar pezh 't eus degaset d'ar Vretoned ha d'ar re all.

Kenavo eta d'ar bed all, ma 'z eus unan.

Ra vo skañv dit douar Breizh !

Paolig Combot, prezidant Ar Falz / Skol Vreizh

E galleg e gomzas da c'houde Jean-René Le Quéau, rener embannadurioù Skol Vreizh ( voir notre article )

(1) Istor ar rouanez kapesian : embannadurioù Belin e galleg. Da welout er roll al levrioù ha pennadoù (levrlennadur) skrivet gant J.-C. Cassard. Roll da zont...

(2) Geriadur istor Breizh : Dictionnaire d’histoire de Bretagne e galleg : http://www.skolvreizh.com/catalog?page=shop.product_details&flypage=flypage_images.tpl&product_id=171&category_id=5 : pajenn al levr war lec’hienn Skol Vreizh.

Voir aussi sur le même sujet : disparition,Jean-Christophe Cassard

25ème anniversaire de la disparition de Glenmor par La rédaction le 16/06/2021
René Le Corre, Le chant de la mer par Brigitte Maillard (Monde en poésie) le 06/05/2021
Pour sauver le breton de la disparition, une seule solution, une seule ! par NHU Bretagne le 24/03/2021
L’UDB perd un repère avec la disparition d’Herri Gourmelen par UDB le 08/11/2020
Les chasseurs, une espèce en voie de disparition ? par BREZHOWEB le 29/01/2019
Hervé Orhan - Une disparition brutale par Bretagne Prospective le 26/06/2018
La disparition de la vie privée n'est pas inévitable par UBAPAR le 02/07/2017
Les députés socialistes bretons ont aussi voté pour la disparition de l'Alsace par Comité Bretagne Réunie Quimper-Cornouaille le 06/10/2015
Festival Photo de la Gacilly 2015: communautés, cultures et biosphère en voie de disparition par Philippe Argouarch le 05/06/2015
L'État français essaye de museler l'opposition des Alsaciens à leur disparition de la carte par Christian Rogel le 29/11/2014

[ Gwelout pennadoù all Éditions Skol Vreizh]

Put your name here

ABP

Agir

Nous suivre