ABP

- Conference debat -

Mai-Ewen, priz Imram 2011

Gourc'hemennoù d'ar varzhez Mai Ewen, skrivet ganti un oberenn gwriziet er vro.

Par Fanny Chauffin pour ABP le 15/10/11 23:29

Mai Ewen, ur vaouez a oar skrivañ traoù brav, fromus, barzhoniel. Met penaos eo deuet dezhi ar c'hoant da zuañ paper ? A-drugarez d'he mamm-gozh, "Nenenn" a gonte marvailhoù dezhi, e brezhoneg, sur a-walc'h. Deuet eo ar romant "Gad Natanenn" da vezañ ur best-seller, met gad Nenenn a zo bet evit Mai-Ewen hag a zo atav, o redek e koadoù he ijin. Ur c'had wenn, kat da gaozeal a oa bet gwelet gant Nenenn o tistreiñ e-kreiz an noz, dindan al loar-gann, ene an den kozh a oa marv ? Piv a oar ...

Koulskoude oa bet diaes dezhi en em lakaat da skrivañ. Daeroù a oa deuet en he daoulagad ur wech prenet ar Barzaz Breiz ganti, ur wech deuet bras : ne c'helle ket lenn ha ne gomprene seurt ebet daoust d'ar brezhoneg a ouie komz ha kompren mat-tre. Met a-drugarez da Visant Seite ha d'he labour spontus, deuet eo a-benn Mai Ewen da skrivañ barzhonegoù, danevelloù, istorioù buhez, gant skoazell he c'helenner.

Evit plijadur ar re vras hag ar re vihan e c'heller lenn daouzek levr skrivet ganti : daou zastumad danevelloù evit ar re deuet, un dastumad barzhonegoù "Amskeud", tri levr Priz ar vugale, c'hwec'h levr (danevelloù pe romantoù) Priz ar Yaouankiz. Ha ne vez ket kontet amañ kazetennoù lennegel Elzas, pe barzhonegoù embannet el Liamm, pe Brud Nevez. Aet eo ar maout meur a wech ganti evit koñkourioù haiku e Breizh hag e lec'h all. Evit kalonekaat ar Japaniz, kemeret he doa perzh en ul levr haiku evito.

Keit ma kendalc'ho gad Nenenn da redek e vo istorioù fromus ha brav gant Mai Ewen, o soursial atav da reiñ ar pezh a zo bet roet dezhi o vont d'ar skolioù, d'ar skolajoù evit skoazellañ ar re vihan hag ar re yaouank da skrivañ d'o zro.

Oberenn Mai Ewen

1987 Merc'hed bihan Ana, Emglev Breizh

1993 Ar mor a-dreñv ar menez, Emglev Breizh

1995 Amskeud, Brud Nevez, 1995

2004 Hanvezhioù, Keit vimp bev

2005 Tamallet, Keit Vimp bev

2008 Ur vleunienn war askell an avel

2008 Me ha Titaw

2009 Tri fenn melegan

2009 Nedeleg laouen

2011 Me, Nana Marina

2012 Kroaz Hent

2010 Un, div, teir

Voir aussi sur le même sujet : barzhoniezh,Mai Ewen,priz lennegezh

21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023
Kenstrivadeg haiku : daou viz a chom evit kas ho re ! par Kerne Multimedia le 04/01/2023
Les Rias : miliadoù a dud, krouiñ, barzhoniezh e leizh par Kerne Multimedia le 28/08/2022
Haiskrivmeurzh : 342 haiku ! par Kerne Multimédia le 17/04/2022
7vet haiskrivmeurzh : evit lidañ mizvezh ar varzhoniezh hag ar brezhoneg par Tvbro kemperle le 27/02/2022
De 1970 à 2000, les deux vagues celtiques par Kerne Multimédia le 30/12/2021
Grall enoret ba bro an Aven par Kerne Multimédia le 26/12/2021
45 ans plus tard, Dan ar Braz rechante Xavier Grall par Kerne Multimédia le 21/12/2021
Annie Ebrel ba Karaez : he raktres arzel dezhi par Kerne Multimédia le 01/11/2021
Dan ar Bras : "à un moment il faudra bien s'entendre" par Kerne Multimédia le 20/08/2021

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Put your name here

ABP

Agir

Nous suivre