Ur veaj dibar a-dreuz ar c'hartennoù

Atlas de Bretagne / Atlas Breizh, embannet gant Coop Breizh, a zo anezhañ ur gwir veaj dibar ha graet evit an holl dre ar c'hartennoù. Savet eo bet al levr-mañ gant ur sell nevez-flamm ha gant un iñfograferezh sklaer ha modern evit ma c'hallo pep hini dizoleiñ hag addizoleiñ Breizh gant al liesseurt ez eo, kement-se gant ur 180 kartenn bennak hag ouzhpenn... Gant ar soñj ober plijadur koulz d'ar re a gar Breizh hag ar re a zo tik war ar c'hartennoù eo bet kaset al labour da benn gant an daou genaozer, Mikael Bodlore-Penlaez ha Divi Kervella.

Un atlas divyezhek ha Breizh he femp departamant

Daou dra diazez a zo bet lakaet e penn-kont gant an daou aozer; panevet an daou dra-se n'eo ket Breizh a vije bet lakaet war-wel evit gwir: Breizh a-bezh eo a zo diskouezet war kement kartenn a zo, da lavaret eo gant al Liger-Atlantel bep tro. Divyezhek-rik galleg-brezhoneg eo al levr-se ivez, evit ma c'hallo kement hini anavezout e vro dre ar yezh a fell dezhañ. Ar wech kentañ-holl eo e teufe un atlas brezhonek er gouloù. Kement-mañ a roy tro, da skouer, da skolidi ar c'hlasoù brezhonek d'ober o mad anezhañ.

Kartennoù nevez-holl ha sebezus

Un doare nevez da welet douaroniezh ar vro eo a vez kinniget gant Atlas de Bretagne / Atlas Breizh. Da heul pep kartenn ez eus un tamm skrid evit kaout ur c'hompren gwelloc'h eus an traoù. Degas a ra an Atlas nevez-mañ an alc'hwezioù ret a-benn kompren gwelloc'h douaroniezh, istor, ha sevenadur ar vro, pe, gant ur ster ledan, an tiriadoù a ya d'ober buhez ar Vretoned. Seizh danvez pennañ a vez studiet lerc'h-ouzh-lerc'h: an hollved hag an Douar, an douaroniezh, ar sevenadur, an Istor, an tiriadoù, ar sokioekonomiezh, an diaweloù. Ar braz eus ar c'hartennoù a zo nevez-flamm, hep o far ha kentañ o gwelet evit un darn; ar steredegoù pe al Loar e brezhoneg, an natur, ar sport, ar boued hag an evaj, pe c'hoazh an amzer da zont gant ar pezh a c'hallje Breizh dont da vezañ mard afe da get an holl skornegoù eus ar Bed. Diskouez a ra splann hag anat Atlas de Bretagne / Atlas Breizh ez eus c'hoazh ur bern traoù da zizoleiñ ha da zeskiñ diwar-benn Breizh.

An aozerien:

• Kartennour eo Mikael Bodlore-Penlaez ha labourat a ra en ur Gambr goñsul. Kaset en deus da benn meur a labour diwar-benn an douaroniezh evel an Atlas des Nations sans État en Europe deuet er-maez nevezik 'zo (e ti Yoran Embanner, 2010).

• Labourat a ra Divi Kervella e bed an embann brezhonek hag anavezet eo evit e labourioù war ar yezh. Meur a levr a zo bet skrivet gantañ, en o zouez reoù an hentenn Assimil e brezhoneg (an hini diwezhañ a zo deuet er-maez e miz Mae 2011).

Kensavet o deus an daou aozer ivez ar Guide des drapeaux bretons et celtes (Yoran Embanner, 2008).

Fichenn deknikel:

• Luc'hskeudennoù gant Frédéric Le Mouillour

• Rakskridoù gant Lena Louarn ha Jean Ollivro

• Divyezhek galleg - brezhoneg

• Keinet, E liv penn-da-benn, Evit an holl

• 152 bajenn; 180 kartenn

• Ment 34 x 23,3 cm doare italian

• 35,90 €

Evit gouzout muioc'h: (voir le site)

• Mikael Bodlore-Penlaez à la librairie Lenn Ha Dilenn - Samedi 27 décembre a/midi par Librairie Lenn ha Dilenn le 24/12/2014
• Dédicace Atlas des mondes celtiques à Coop BReizh Quimper le 20 décembre par Editions Coop Breizh le 17/12/2014
• Vient de paraître : Atlas des mondes celtiques / Atlas ar bed keltiek par Eurominority le 10/11/2014
• Parution de l'Atlas des mondes celtes / Atlas ar bed keltiek par Editions Coop Breizh le 07/11/2014
• Bretagne Prospective : l'océan reste peint en bleu uniforme sur l'ensemble de nos atlas par Philippe Argouarch le 11/05/2014
• Deuxième édition de l'Atlas de Bretagne / Atlas Breizh par Eurominority le 30/11/2011
• Un atlas des Pays de la Loire pour imposer un territoire artificiel par Eurominority le 03/10/2011
• Just released: Atlas of Stateless Nations in Europe par Eurominority le 10/08/2011
• Le nouvel Atlas de Bretagne par Philippe Argouarch le 17/05/2011
• Une Bretagne aux mille facettes avec l'Atlas de Bretagne / Atlas Breizh par Eurominority le 09/05/2011