Treizerien ha klaskerien soñjoù : deskiñ kontañ, kanañ ha c'hoari,miz Kerzu.

- Dépêche -

Treizerien soñjoù kroget mat e Kemper gant pemp raktres : skrivañ gant Mai Ewen, yoga gant Manu Mehu, kan ha diskan gant Louise Ebrel, kontañ ha kanañ gant Jean Floc'h ha Kristian Duro, ha c'hoari pezh gant Tomaz Kloareg deus an Teatr Piba.

Fanny Chauffin pour ABP le 17/12/10 22:06

Chans o deus skolajidi Diwan da gaout dindan ur sizhuniad kement a vrezhonegerien a-vihanik ha gouest da reiñ dezho kement a alc'houezioù evit dizoleiñ ar brezhoneg. A-wechoù n'eo ket aes : "Perak distagañ ken difonn ? Perak n'eo ket memes brezhoneg ha ni ? Ne m'eus ket komprenet tout. "

Met a-benn ar fin e weler anezho o selaou gwelloc'h hag o reiñ un tamm liv d'o brezhoneg, un tamm paour ha divlaz anezhañ.

Deskiñ kontañ o deus graet gant Kristian Duro ha Jean Floc'h deuet da gontañ "Ar Chevailher " dezho. Deskiñ distagañ ha lenn gwelloc'h an destenn e oant kroget da bleustriñ warni gant Tomas Kloareg. Hag ar strollad kan ha diskan, daouzek plac'h hag ur paotr ennañ, o deus desket kanañ ur plinn, ar pachpi hag un ton da selaou. Gant Louise eo kreñvoc'h al liammoù : merc'hed plijet gant ar c'han, fromusañ an darempredoù gant profouigoù bihan, kanaouennoù kompozet.

Goude an emgav kentañ e chom kalzik labour, deskiñ gwelloc'h, gouzout pozioù ar "chansonioù", gallout fiñval ha labourat asambles.

Evit ar re 6vet eo diaes a-wechoù chom peoc'h e-pad pell, diaes doujañ ouzh ar re all, hag ouzh an den deuet da gontañ marvailhoù dezho. Tamm-ha-tamm e vez graet e vragoù da Yann.

Gant emgavioù reoliek e vez graet pazennoù bras. Emgav a-benn miz Meurzh eta evit gwelout araokadennoù ar re yaouank. Ha brav al labour kaset a-drugarez da Guzul Meur Penn ar bed evit sikour seurt degouezhioù. ■

Voir aussi :

Krouidigezh Dastum : pa vez an hengoun o tigeriñ hentoù nevez par Kerne Multimedia le 10/10/2022
Kafedi Istor - Krouidigezh Breizh (4re-9vet kantved) par Kevredigezh Vrezhon le 07/11/2017
Staj c'hoariva e Landelo : dek vloaz goude krouidigezh ar Genrouedad par FC le 22/11/2015
Krouidigezh Taol Kurun 2007 : Eured e Kerne par Taol Kurun le 29/11/2013
Beat box gant Alem ha Kris Menn par Festival Taol Kurun le 20/04/2013
Ha goude krouidigezh Diwan, ur skol veur e brezhoneg ? par Festival Taol Kurun le 24/12/2012
Krouidigezh kevredigezh Bruzhoneg par Bruzhoneg le 19/12/2012
Krouidigezh Taol Kurun 2013 gant Erik Menneteau par Festival Kaol Kurun le 01/12/2012
Rozenn Talec gant Lina Bellard : kan ha telenn par Fanny Chauffin le 10/04/2012
Lleuwen, etre Kembre ha Breizh par Fanny Chauffin le 03/02/2012

Cet article a fait l'objet de 1284 lectures.

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires :

Commenter :

Put your name here

ABP

Embann

Nous suivre