ABP

- Papier -

Krouidigezh Dastum : pa vez an hengoun o tigeriñ hentoù nevez

Coulennet en doa burev Dastum un abadenn digant Emmanuelle Boutillhier, evit Breizh Uhel, hag Ewen L'haridon evit Breizh Izel. Ret e oa gwiskañ tonioù hengounel Dastum e dilhad Sul, gant gouleier, binvioù dic'hortoz, ha tonioù da addizolein

Par Fanny Chauffin pour Kerne Multimedia le 10/10/22 9:07

Daou strollad a-feston ba Plañvour :

Réalisation : tvbk -fea (138 vues)

Daou strollad a-feston ba Plañvour :

Réalisation : tvbk -fea (334 vues)

Daou strollad gant livioù disheñvel-tre. Levezon bro Gebeg gant L'Evâillée, tri violoñs, Manu o reiñ al lusk gant he zreid, harmonika, kozh wetur, akordeoñs, gourrebed... Tri faotr, div blac'h, Kanañ a reont holl, ha penn kentañ an abadenn zo dic'hortoz-kenañ gant an holl o komz asambles traoù berr ha fentus. Un doare plijus da zont 'barzh bed tud bro gallo gant ur yezh implijet alies. Gwerzioù kanet gant ar merc'hed oa fromus, ha mat vefe bet marteze laoskel muioc'h a blas d'ar vouezh, hep sonerezh a-dreñv a-wechoù.

Strollad Modkozmik ? Pemp paotr bet sonerien biniou bombard evit lod anezhe. Abaoe ur pennadig e vez kanet ingal gant Ewen, ha gwerzioù brav ken ha ken a zo bet kanet aze, diwar votadegoù kommunist e Kreiz Breizh, labour e Cherbourg gant paotred goude ar brezel hag a oa rediet da splujañ don e "caissons air comprimé", giz vez laret barzh ar sonenn.

Trompilh, tamboulinoù a vremañ, DJ, gouleier fin aozet gant ur mignon dezhe, trombon : ur skipailh a lak an dra sur da vout a-vremañ tout an tonioù bet dastumet gant tud a bep seurt e pemp korn ar vro. Trugarez Dastum ha trugarez d'an daou strollad. N'eo ket echu nag gant yezhoù Breizh, na gant he sonerezh !

Voir aussi :

Kino Festival : skipailhoù mennet ha priz Kêr Kemper d'ur film e brezhoneg par Kerne Multimedia le 11/10/2023
Moussa, 3de dastumad danevelloù Kristian Braz par Blaz produktion le 21/09/2023
Ul labour dreistordinal : Molière adlennet gant Nolwenn Korbell par Kerne Multimedia le 25/08/2023
Rapourien ar mikro digor : un dra nevez e GBB ! par Kerne Multimedia le 02/07/2023
Playlist ar gonterien : 138 video, marvailhoù a bep seurt par Kerne Multimedia le 30/04/2023
Konterien e brezhoneg : kan ar bobl gant 7 konter, plijadur ha liesseurted par Kerne Multimedia le 22/04/2023
Kenstrivadeg haiku : daou viz a chom evit kas ho re ! par Kerne Multimedia le 04/01/2023
Marv eo livour livioù bro al Laita par Kerne Multimedia le 27/12/2022

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimedia]

Vos 0 commentaires

Commenter :

Put your name here

ABP

Agir

Nous suivre