Kampoù e brezhoneg : surf, an ezen, poderezh, kaiak, gouren ...

- Dépêche -

An Arzhanaou, war an dachenn foot, 11 bugel ha tri buhezour asambles evit ur sizhunvezh.

Fanny Chauffin pour ABP le 29/07/11 0:03

Skuizh eo ar vugale. Dec'h e oant e Milin ar Roc'h, dirak ar Skorff, dizoloet o deus traonienn ar ster, pignet betek ar chapelig, ha kousket er maez, dirak ar vilin. E ti Thomas o deus desket ober war dro an ezen. En tu all, war bord an Ele, o deus graet "accrobranches" gant arbennigourien Ti Nadan.

Deuet e oa peder maouez da fardañ krampouezh evito fennozh. Met da gentañ e oa ret deskiñ ober an toaz. Ha pep hini da lakaat an traoù da vont war raok : homañ a dorr an uioù, egile a gas an dour, eben a lak an daouarn hag a labour an toaz...

Goude bezañ debret, filaj ! Sport, skasoù, dansoù a bep seurt gant akordeoñs Simon, ha da c'houde kontadennoù : an tri bouc'h gant Suzanne, ar c'hlopenn, "Me 'm eus ur park, bras, bras, bras .." kontet gant Anne-Marie.

Ha penaos echuiñ ? Gant kanaouennoù eveljust : an tri femoc'h bihan, ur sonenn bro Mali, Tri Martolod (levezon Nolwenn Leroy ?), kanaouennoù brav Youenn Gwernig, ha Liberta, eveljust... Ale, Enora, poent eo mont da gousket. Echu trous ar mekanik dastum ar plouz hag an ed, echu trouz otoioù o treuziñ ar vourc'h. Brav an amzer hag an oabl a bromet un devezh sioul, glav ebet warc'hoazh...

Warc'hoazh, e vo ret mont da Wellegouarc'h evit ober bara gant Veronique. Kouskit dous, bugale e vakansoù !

44 staj vakansoù a vo aozet, daou e galloeg, 42 e brezhoneg. 18 e Penn ar bed, 17 e Aodoù an Arvor, 4 e Morbihan, tri e bro Naoned.

Evit gouzout hiroc'h : (voir le site)

Voir aussi :

Pedagogiezh Diwan : petra eo ? par Kerne Multimédia le 02/07/2017
Diwan, pedagogiezh ha nerzh krouiñ : un dezenn dimeurzh o tont par La Rédaction le 29/03/2015
L'aménagement du temps scolaire : l'occasion d'un projet éducatif territorial innovant ? par Taol Kurun le 21/10/2013
Rythmes scolaires en question : mais où est passé l'intérêt de l'enfant ? par Taol Kurun le 30/09/2013
Distro-skol ar gasourien gant Jakez ar Borgn par Fanny Chauffin le 29/08/2012
10 vet deiz ha bloaz an DABU : ur pezh mell gouel er Chapel Nevez par Fanny Chauffin le 19/08/2012
Emvod ar Gelted : ar brezhoneg evit ar re nul par Fanny Chauffin le 10/08/2012
Tabut e brezhoneg er festival : politikerezh yezh, armerzh, kentelioù noz,... par Fanny Chauffin le 06/08/2012
Evit mont war raok gant ar brezhoneg skrivet par Fanny Chauffin le 19/03/2012
50 den evit studiañ an araogennoù get KEAV par Fanny Chauffin le 25/02/2012

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires

Commenter :

Put your name here

ABP

Embann

Nous suivre