Stummadur disadorn gant Yann Gervern e Karaez
Gant fea, ar gevredigezh e penn Priz ar Vugale ha Priz ar Yaouankiz, e vo aozet disadorn e lise Diwan Karaez etre 10e ha 13 eur ur stummadur evit gwellaat brezhoneg an holl dud a blij dezho skrivañ ha difaziañ testennoù e brezhoneg.
Digoust eo ar stummadur, ha setu penaos e vez kinniget anezhañ gant Yann Gervern : "ar pezh a c'hellan ober, eo stummañ tud hag a vefe prest da zont meur a zevezh a-renk, evit gwellaat o brezhoneg, gwelet petra zo treuflez er brezhoneg a vez skrivet. Kemeret e vefe niverennoù diwezhañ AL, pe al levrioù nevez-deuet er-maez, ha gwelet penaos e vez levezonet gant ar galleg an dud a skriv hiziv. Trawalc'h eo kaout startijenn evit dont a-benn eus se."
Digoret eo ar stummadur d'an holl
02 98 71 74 94
06 79 14 96 87
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Commentaires (1)
Rak pell emañ diouzh Pariz, siwazh.