ABP

- Chronique -

Pedagogiezh Diwan : petra eo ?

Pedervet lodenn kronikenn 40 vloaz Diwan : petra zo disheñvel e Diwan a-fed pedagogiezh ?

Par Fanny Chauffin pour Kerne Multimédia le 2/07/17 22:20

« Pedagogiezh Diwan »: petra eo ?

Distro-skol 2016

Diwan zo enni 54 skol Diwan kentañ derez, 6 skolaj, ul lise e Karaez, 4 242 skoliad, ur burzhud hag un niver bihan-kenañ war un dro, pa soñjer ez eo 1 % eus ar boblañs skol e Breizh. 250 den o labourat bemdez (kelennerien, skolaerien, ATSEM, 700 kelenner brezhoneg e Breizh. Deuet eo Diwan da vout un embregerezh rannvroel gant ur sez melestradurel e Landerne, hag ur greizenn -stummañ evit ar c’hentañ hag an eil derez e Kemper, « Kelenn ».

Abaoe 40 vloaz e chom karta Diwan talvoudus-tre evit kompren diazezoù ar gevredigezh ganet abalamour « da vankoù an Deskadurezh Stad na ro ket e blas d’ar brezhoneg ».

Lavaret ho peus « pedagogiezh » ?

N’eus ket « ur » bedagogiezh a vefe hini Diwan. Ar sistem « D », hini Diwan ? Ar bugel e kreiz ar c’helenn, gant sistem ar soubidigezh an hini eo : ger ebet e galleg d’ar bugel e skol vamm, ha tamm ha tamm e vez kelennet ar galleg dezhañ, goude bout desket lenn e brezhoneg, o toujañ ouzh programoù ofisiel bro C’hall evit an holl zanvezioù kelennet. E klasoù ‘zo e vez tud a gelenn mod Montessori pe Freinet, met pep skolaer a zo dieub da ren ar c’hlas e giz e faot dezhañ pe dezhi, o toujañ ouzh ezhommoù pep bugel.

Pedagogiezh ha soubidigezh : kizidik...

Penaos lakaat bugale a gomz galleg er gêr, galleg er-maez eus ar skol gant an holl dud, da breg brezhoneg hepken er c’hlas, war ar porzh ? Tabutoù a vez e-touez tud Diwan war ar poent-se abaoe pell. Rediañ ? Reiñ c’hoant ? Kevratoù gant ar vugale, laosket dieub da gomz ar yezh o deus c’hoant war ar porzh, kalonekaat da c’hoari e brezhoneg gant buhezourien deuet da sikour evel e bro Euskadi gant animatourien sport ha bertsu ?

"N'eo ket ar soubidigezh, evidon, ur bedagogiezh. Ur benveg evit kelenn ur yezh eo. Sikour a ra ar skolidi d'en em lakaat e-barzh met n'eo ket trawalc'h. Mod-all tout an dud hag a gomz brezhoneg a c'hellfe kelenn ! Kelenn da vugale ur yezh hag a zo peurvuiañ ur yezh na vez ket komzet er gêr a c'houlenn, a seblant din, ur bedagogiezh kemplesoc'h eget ar soubidigezh nemetken." (ul lisead Diwan aterset e 2014)

Voir aussi :

Crise financière et remise en question du modèle Diwan : entre aide exceptionnelle et critiques de gestion par ChatGPT le 14/10/2024
Écoles Diwan : Une vingtaine d'élus signent une lettre au Président de la république par La rédaction le 10/09/2024
33èmes Puces Diwan Lannion par le 06/05/2024
KOUN BREIZH soutient l’appel à manifester lancé par DIWAN à SAINT-BRIEUC le samedi 3 février 2024 par Koun Breizh - Bertaign Tenant - Mémoire-de-Bretagne le 22/01/2024
Noël des Créateurs Diwan Lannion par le 04/12/2022
Michel Chauvin reçoit le Collier de l'Hermine : Il nous faut un Diwan pour l'Histoire par Philippe Argouarch le 18/09/2022
31èmes Puces Diwan par le 29/05/2022
Heures refusées au lycée Diwan Karaez : l'Udb interpelle les élus par Kerne Multimedia le 27/05/2022

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimédia]

Vos 0 commentaires

Commenter :

Put your name here

ABP

Agir

Nous suivre