Put your name here

Anna Mouradova zo ur Rusianez a-orin bro-Jorjia hag emañ o vevañ e bro Jorjia abaoe meur a vloavezh. Gouezet ha skrivet eo ar brezhoneg ganti. Ouzhpenn-se ez eo bet kelennerez war ar brezhoneg e skol-veur Moskou. Siwazh, hirio emañ hi o talañ ouzh diaesterioù grevus rak nac’hañ a ra stad bro-Jorjia adneveziñ he c'hartenn chom er vro. Posubl eo dezhi memes bezañ harluet da vro Rusia ma c’hellfe bezañ heskinet eno.

Nikolaï Gogol, ur skrivagner ukrainek a skrive e rusianeg

Emañ-hi o paouez lakaat e brezhoneg ar romant brudet «Ar Fri» , savet gant skrivagner ukrainek Nikolaï Gogol. Rak ukrainek eo Gogol dre m’eo bet ganet e-barzh ur gêriadenn vihan etre Kiev ha Kharkiv. Skrivañ a rae e rusianeg, mes lâret en deus meur a wech e ouie an ukraineg. Dindan gwask an impalaeriezh rusian edo ar rusianeg ar yezh ofisiel nemeti. Difennet groñs e oa ar yezhoù all, evit gwir.

Ur flemmskrid a zo e bal salviñ bro-Rusia

Ur flemmskrid eo «Ar Fri» , diwar ar vourc’hizien e Sant-Petersburg, ur gêr m’eo bet Gogol o vevañ enni un toullad bloavezhioù-pad. Istor «gafkaiek» un den eo. Soñjit ‘ta : un devezh bennak, hemañ-eñ o tihuniñ hep e vri ! Embannet e 1836, brudet e teu da vezañ al levr dre holl vroioù eus bet-URSS (Unvaniezh ar Republikoù Sokialat Soviedel), evel unan all eus e romantoù anvet «An Anaon» . Levezonet a-galz eo bet lennegezh rusianek gant Gogol, dreist-holl levrioù ar skrivagnerien Dostoïevski ha Boulgakov. Soñjal a rae da C’hogol , relijiel betek ar gevrinegezh, e oa e bal war hon douar salviñ spered pe onestiz bro-Rusia.

Gerioù :

«kafkaiek» , a denn da Franz Kafka (skrivagner)

Pelec’h kavout levrioù e brezhoneg evit prenañ ?

. dre levrdier e kêrioù zo !

. dre ar rouedad

Kuzul ar Brezhoneg https://www.brezhoneg.org/fr/catalogues

Coop Breizh https://librairiecoopbreizh.bzh/editeur/an-alarch/

Klask.com https://www.klask.com/

Adkavit testenn gallek ar pennad-mañ, embannet d’an 10vet a viz Ebrel, dindan bluenn Philippe Argouarch, rener an ABP ( voir notre article )

• Trois femmes venues de l'Est - Documentaire en breton par BREZHOWEB le 27/05/2024
• Pennad-kaoz gant Anna Mouradova e festival etrekeltiek par Philippe Argouarch le 09/08/2023
• Distro Anna Mouradova, anezhi skrivagnerez rusian ha brezhonegerez, e Breizh par J-L Le Floc\'h le 31/07/2023
• Anna Mouradova accueillie à Brest par La rédaction le 28/07/2023
• L'écrivaine russe brittophone Anna Mouradova de retour en Bretagne par Philippe Argouarch le 19/07/2023
• Bientôt la sortie d'un documentaire en breton sur trois femmes russes qui aiment la Bretagne par Philippe Argouarch le 27/04/2023
• Cette écrivaine russe a traduit Gogol en breton par Philippe Argouarch le 10/04/2023
• La Russe Anna Mouradova a reçu son Collier de l'Hermine à Tbilissi en Géorgie par Philippe Argouarch le 17/06/2021

ABP

Agir

Nous suivre

Newsletters

Flux RSS - français

Flux RSS - breton

ABP sur Facebook

ABP sur X

Chaîne Youtube ABP

Le blog du site web