Iliz-Veur Naoned bet gwisket e livioù brav, evit brasañ plijadur an holl !

-- Cultures --

Compte rendu
Par Yann Lukaz

Publié le 1/01/17 15:36 -- mis à jour le 00/00/00 00:00

Iliz-Veur Naoned bet gwisket e livioù brav, evit brasañ plijadur an holl !

Ur gwir burzhud e oa evit daoulagad an holl re a oa e-tal da Iliz-Veur an Naoned, an abardaez-mañ (30 a viz Kerzu 2016). Pegen brav al lioù o wiskañ an Iliz-Veur, o lakaat ur vuhez dic’hortozet ouzh dremm Iliz-Veur Sant Pêr ha Sant Paol. Tud a lâr e oe livet maen-gwenn an Ilizoù-Veur, e penn-kentañ. Met, er wech-mañ, dre livioù-lugernus eo ez’eo livet, houmañ !

Diwar istor Noe, er Bibl

Cheñch a ra liv an dorioù braz doustadig – deus liv melen-aour betek liv glas-noz, da skouer - , fiñval a ra an daolennoù doustadig – anevaled tro-dro da lestr Noe (a zo kozh-Noe, evel-just !), diwar an Testamant kozh, ur c’houblad anezho d’an nebeutañ (div erminig en o zouez, unan gwisket e mod an Hañv, da lâret eo liv an douar nemet penn he lost a zo du, eben gwisket e mod ar Goañv, d.l.e. gwenn-erc’h nemet penn he lost a chom du) evit o mirout a-enep nerzh braz an dour-beuz (penaos nompas soñjal e danjerioù a-vremañ rak ober ar mab-den ken disoursi war hon Douar ken gwallgaset ?) –. Ahanta, setu lioù ken gaer, ken gizidig ma lakeont an dud bezañ eurus.

Lioù ar baradoz a vefe int ? Peadra zo d’en em c’houlenn hag eñ eo bet sklerijennet – deiz pe zeiz en e vuhez - kalon an arzour gant luc’h speredel… Marteze… Pa seller ouzh e lec’hienn rouedadel dezhañ, ne vez ket lâret m’emañ eñ er Feiz pe n’emañ ket. Koulskoude, livet en deus Alain Thomas (bet ganet e 1942) e daolenn vrasañ diwar ginivelezh Nedeleg ha hemañ reiñ anezhi d’an Iliz-Veur (e 2004) ma c’heller sellout outi c’hoazh eno ( www.alain-thomas.com/fr/Livret-pedagogique-Nativite-Alain-Thomas.pdf ).

Daoust d'al latar ha d'ar yenijenn !

Kalz a dud a oa. Daoust d’al latar ha d’ar yenijenn. Rak yen-ki e oa en noz-mañ. D’ober petra ? Da sell ouzh lioù eus ar re vravañ evel bugale vihan, sioulig ha peoc’hus, o kenou digoret war nav eur… Da selaou ouzh mouezh dispar Natalie Dessay (Natalie hep « h », sañset), ur ganerez soprano brudet tre e bedig-bed etrevroadel an opera, o kanãn un Ave Maria. A-walc’h da lakaat kalonou da dridal ! Koulskoude, n’emañ ket pell ar bed a-vremañ gant gwall-daolioù a c’hellfe c’hoarvezout n’eus forzh pelec’h, n’eus forzh pegoulz. Setu perak ez eus un toullad archerien armoù vodern gañte, peadra d’ober a-enep feulsterien eus forzh peseurt tu. Ar Republik o mirout Ilizoù, pe an dud tro-dro d’an Ilizoù… Biskoazh kemend-all !

Evit gouzout hiroc’h

Ma fell deoc’h gouzout hiroc’h diwar Alain Thomas (ul livour Breizhat, dre m’en deus daou lec’h-diskouezadeg, a-hed ar bloavez, añvet Al labous-glas pe L’oiseau Bleu e galleg : an eil kostez Vertou, nepell diouzh an Naoned, egile e Pondaven (Penn-ar-Bed), e c’hellit mont da frifurchall e-barzh e lec’hienn : www.alain-thomas.com. Ma fell deoc’h gouzout hiroch diwar-benn traoù teknikel (kevredigezh Luminantes pe an dud a-vicher Spectaculaires-Allumeurs d’images ), sellit war-eeun ouzh (voir le site)

Voir aussi :
mailbox imprimer
"Brav eo skrivañ, diaesoc'h eo lenn" ! "An daoulagad eo a zo ar gwellañ benveg-poltriji, rak dre ur sell eo e c'heller diskoachañ an imachoù tro-war-dro"! Paotr bet klevet gantañ ar yezh e-pad e vugaleaj. Bet o labourat war zachennad stlennegel. Skrivet gantañ pennadoù e galleg hag e brezhoneg. Bremañ o vevañ e bro-gKerne.

Vos commentaires :

ANTI-SPAM : Combien font 7 multiplié par 8 ?
Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés. Par contre l'utilisation d'anonymiseurs pour modifier votre numéro ip entrainera la suspension de vos commentaires.