Kevarc'h,

Ur bloavezh nevez zo erruet ha gantañ deroù eil bloavezh Nidiad, ar gelaouenn lennegel nevez he deus nodet warlene. Abaoe he ganedigezh ez eo aet war vrasaat, war ziorren, war gempleshaat. Bet eo ar skrivagnerion anezhi o sevel goulennoù, atersoù tro dro da zodennoù liesseurt, ha pa vent o sellout an arnevezelezh, breskted an harzoù etre barzhoniezh ha komz plaen, orinoù kealiadek hag ideologek an hollveliegezhioù hag ar faskouriezhoù pe al liammoù a vez etre prederourion an Henamzer, ar Grennamzer, an oadvezhioù arnevez ha kempred. Ul lec'h, ul load zoken, eo bet ivez da skrivagnerion ha da varzhed yaouank da glask, e douaroù ergerzhadus dezho, un dra piaouel dezho ; braventezh imbourc'het e dec'hmeg speredoù nevez.

Da gregiñ ar bloavezh nevez e kinnig Nidiad un niverenn dibar, gouestlet d'ar skrivagner norzhamerikan Howard Philips Lovecraft. Enni e kavor peurgetket div gevellenn hag ur pennad studi diwar dorn ar skrivagner troet gant daou eus skridaozerion ar gelaouenn ha ditouroù buhezel diseurt. A-walc'h da hetiñ dellezek ar bloavezh nevez !

Evit ar re o defe c'hoant emvataat eus niverennoù ar bloavezh kent, e c'hellont o urzhiañ da renerezh Nidiad, o c'houzout e vo 5 euro priz ur gelaouenn ha ne vo priz stroll ebet evit an niverennoù-se.

A galon,

Nidiad

• Lennegezh vrezhonek e Brest : Nidiad hag Herve Lossec par Café Breton Librairie Dialogues Brest le 03/12/2010
• Littérature au Café Breton : Nidiad et Hervé Lossec par Café Breton Librairie Dialogues Brest le 03/12/2010
• Kendael e Sant-Ervlan gant Nidiad, ur gelaouenn lennegel o tinotiñ par Nidiad le 06/06/2010
• Eil niverenn Nidiad, ar gelaouenn lennegel e brezhoneg, zo deuet e gouloù ! par Nidiad le 01/04/2010
• Le numéro 2 de Nidiad, la revue littéraire en breton, est sorti par Nidiad le 01/04/2010
• Le maire de Gomené et la revue Nidiad sur Drao l''émission en gallo sur Plum'FM par L\'Andon Dou Galo le 07/01/2010