- Rapport -
Ar redadeg : Ur mor a dud e Kemperle
Start e oa bet e kerioù bihan gant nebeut a dud, ha koulskoude
Par Fanny Chauffin pour ABP le 19/05/12 1:39

Rosporden : sioul ar c'hreiz-kêr da 4 eur goude merenn, ma ne vefe ket bet an Euskariz o plantañ un tammig reuz. Ur wech degouezhet ba Banaleg e oa kalz muioc'h a lañs gant sonerien ar bagad, bugale ar skolioù, krennarded dreist-holl hag ar maer mar plij, o redek dirak ar re all ... hag o kemer un hent all ! Krediñ a rae e oa moaien d'ar redadeg chom a sav. Neuze chomet eo war bord an hent, souezhet.

E Sant Turian e oa skipailh NPK ha skipailh Fest al leur, gant souezhadennoù, ur pemoc'h gant moc'higoù war roudoù ! Hag e Kerien e oa ar maer o redek ivez, met gant ur bugel nemetañ, daoust d'ur c'hlas divhezhek nevez digoret.

E Tremeven, nebeut a dud siwazh, met tud a galite : familh Bernez Tangi o redek daou gilometrad, Olwen, Branwen ha Gwion, ha war lerc'h familhoù Ronan Debel ha David ar Gall.

Oc'h erruout e Kemperle, just goude Tremeven, setu ur bagad 20 bugel o redek hardi betek plasenn Jean Jaurès e lec'h oa 150 den oc 'hortoz, ha neuze, war bali an ti-gar, pebezh jabadao, luganioù en euskareg "tipaitapatipita ... Korrika !!!", ha bugale o pignat betek hent Molan.

Distroet ar familhoù goude, pik nik asambles gant an Euskariz, sonerezh, renkañ, ha redek adarre warc'hoazh evit an devezh diwezhañ e Douarnenez. Warc'hoazh ... met hiziv eo dija ...

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
[ Gwelout pennadoù all gant Fanny Chauffin]
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 9 multiplié par 8) ?

ABP

  • Diwar-benn
  • Darempred
  • Menegoù hervez lezenn
  • Données personnelles
  • Mise en page
  • Ligne éditoriale
  • Sur wikipédia
  • Agir

  • Demander une accréditation
  • Contacter la rédaction
  • Poster votre communiqué vous même
  • Écrire une dépêche
  • Envoyer un flash info
  • Nous suivre

    2003-2024 © Agence Bretagne Presse, sauf Creative Commons