ABP

- Dépêche -

Film kentañ Katell : etre fent ha droug fent, etre relijion ha c'hoant kuzhet ...

Ur film disheñvel deus ar pezh a vez gwelet ingal. Ret eo d'an arvester kemer amzer, amzer sellout ouzh ar skeudennoù, amzer mont e-barzh un istor ordin bevet gant ur grennardez a-vremañ.

Par Fanny Chauffin pour ABP le 5/08/10 11:07

Kaset oa bet ur sapre labour da benn gant Katell Quillivere : sevel ur film hir e Breizh gant aktourien brudet-tre, Galabru, un tad-kozh dispar, a ra goap ouzh ar veleien, gant ur c'hoant bevañ divent, Lio, anavezetoc'h evit bezañ juri e "star nevez" oc'h ober ur vamm dilezet gant he gwaz. An aktourez yaouank, Anna, Clara Augarde, a c'hoari brav. Un dudenn n'eo ket aes da c'hoari koulskoude : bevañ disparti he zud, ur relijion bounner tro dro dezhi, hag ar santadurioù karantez kentañ evit ur paotr yaouank, kalz yaouankoc'h eviti, gant ur vouezh bugel.

Brav ar skeudennoù, ar sonerezh. Brav c'hoari an aktourien. Neuze, petra a vank ?

Marteze eo skeudenn ar relijion a-vremañ. Marteze eo bet mesket ganti bed bugaleaj ar filmourez ha bed a-vremañ : n'eus ket mui a gador-konfes, n'eus ket mui a hunvaoù gant kement-se a weleoù asambles, n'eus ket a laz-kanañ e pep iliz evit kanañ ken brav ... Kollet un tamm an arvester etre bed ar bloavezhioù 2010 hag hini bloavezhioù 1980.

Munudoù eo, ha Katell a lâr e oa bet mesket he envorennnoù (desavet oa bed e feiz kristen hag ur bern goulennoù he doa, film he bugaleaj eo) gant senario ar film. Ne gred ket mui, met diskleriañ a rae e Cannes : " hiziv an deiz e vez 60% a dud e bro C'hall a lâr int kristen".

Ur film a ya difonn, disheñvel mik deus bed ar filmoù faltazi, leun a feulster, hag a skeudennoù a cheñch alies. Heuliet e vez Anna o pourmen war hentoù Breizh, dirak kalvar ha chapel menez Mikêl Brasparzh, iliz Brest... Hiziv an deiz, en ur bed en deus disoñjet peseurt ster reiñ d'ar vuhez, eo diouzh ar c'hiz adklask war zachenn ar relijion. Priziet oa bet e Cannes ur film all asambles gant hini Katell : "Des hommes et des dieux" (maneti Tiribine, e Magreb,e lec'h oa bet lazhet menec'h bro C'hall).

Skignet e vez ar film-se e pep lec'h e Breizh hag e vo adwelet e gouel ar filmoù.

Evit gouzout hiroc'h :

En iliz Brest : penaos eo bet savet pennad diwezhañ ar film (Arte) (voir le site)

Atersadenn Lio ha Katell e-pad festival Cannes

(voir le site)

Voir aussi :

Michael D Higgins, président de la République d'Irlande, reçoit le Collier de l'Hermine à Dublin par Philippe Argouarch le 13/11/2024
Prix du livre insulaire 2025 par Culture, arts et lettres des îles le 12/11/2024
Forum de l’Arbre, de la Forêt et du Bois par ROND VERT le 13/11/2024
Ar Redadeg : remise des chèques pour le soutien de la langue bretonne par ChatGPT le 12/11/2024
Christian Troadec : J'étais un élément turbulent car je demandais un vrai plan de sauvegarde de la langue bretonne par Philippe Argouarch le 12/11/2024
Exposition des artistes plasticiens OSTRE'ART 2024 par I.R. le 11/11/2024
Inauguration à Carhaix : hommage émouvant à la poétesse Anjela Duval et à Sébastian ar Balp, figure des Bonnets Rouges par Philippe Argouarch le 09/11/2024
L’Union Démocratique Bretonne appelle les communes bretonnes à agir contre la crise du logement avec la nouvelle loi sur les meublés de tourisme par ChatGPT le 09/11/2024

Cet article a fait l'objet de 1044 lectures.

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Vos 0 commentaires

Commenter :

Put your name here

ABP

Agir

Nous suivre