ABP

- Agenda -

Kafedi Istor - Eus Nevenoe da zistro Alan Varvek (Bloavezhioù 820-bloavezhioù 930)

Kafedi Istor : "Eus Nevenoe da zistro Alan Varvek (Bloavezhioù 820-Bloavezhioù 930" (lusket gant Rafael Urien). D'ar Sadorn 25 a viz Du 2017, 2e30 goude merenn, e tavarn ar Finnegans, 46 straed Aristide Briand, KEMPER

Par Rafael Urien pour Kevredigezh Vrezhon le 20/11/17 17:31

En 9vet kantved e c’haller gwelout, a-drugarez da Ziellevr Redon, kevredigezh ar Vrezhoned tro-dro d’an abati hollvrudet : marc’htierned, rummadoù tud liesseurt, perc’hentiezh an douar… Met daoust hag e c’haller hollekaat an daolenn da Vreizh a-bezh ? Da heul faezhidigezh Morvan ha Gwioñvarc’h er bloavezhioù 820 e voe mouget Breizh gant Karolingiz. Levezonet e voe hep mar ebet Breizh gant he amezegez vras : degemeret reolenn sant Benead e manatioù Breizh, stabilaet an eskoptioù tiriadel, astennet tamm-ha-tamm frammoù a orin frank evel ar c’hontelezhioù...Ha koulskoude e sav Nevenoe a-enep da rouantelezh frank ar C’hornôg. N’eo ket dizalc’h hepken e teu da vezañ Breizh, en em astenn a ra ivez, dindan renerezh Erispoe ha Salaun, war-zu ar Reter, oc’h aloubiñ broioù Roazhon ha Naoned met ivez zoken ul lodenn eus Bro-C’hall (Anjou, Maine, Bro Avranche ha ledenez Kustentin). Embann a ra Dol bezañ hiviziken un arc’heskopti, dizalc’h eus hini Teurgn. Dizunvan goude marv Salaun e 874 ez eo adunvanet ar rouantelezh vrezhon gant Alan Veur. Goude marv hennezh e 907 avat e voe freuzet gant ar Vikinged...

Voir aussi :

Skyjo, ar c'hoari-taol gwerzhet ar muiañ e brezhoneg ! par BREZHOWEB le 18/11/2024
Istor ar brezhoneg gant Ronan Kalvez par BREZHOWEB le 24/10/2024
Petra nevez e brezhoneg e miz Here ? par BREZHOWEB le 01/10/2024
Enklask war ar c’hleweled e brezhoneg gant André Lavanant par Philippe Argouarch le 16/08/2024
Desketa, ur benveg nevez evit deskiñ brezhoneg ! par BREZHOWEB le 04/07/2024
Petra nevez e brezhoneg evit an hañv ? par BREZHOWEB le 03/07/2024
Kafedi Istor : "Kemmoù kevredigezhel ha kevredadel, war ar maez pergen, abaoe an 19vet kantved" (lusket gant Rafael Urien) par Kevredigezh Vrezhon le 12/06/2024
Kafedi Istor : "Eus istor Mab-den da hini an denelezh : lignezouriezh, istor ar familhoù, istor lec’hel hag istor hollek" (lusket gant Rafael Urien) par Kevredigezh Vrezhon le 01/06/2024

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

[ Gwelout pennadoù all Kevredigezh Vrezhon]

Vos 0 commentaires

Commenter :

Put your name here

ABP

Agir

Nous suivre