Put your name here

Theatr PIBA., meneget eo ganto war o lec'hienn ez eo aotreet adalek 13 vloaz. Diskouez a ra anat n'eo ket tre evit an holl skolajidi ha padal eo bet kaset skolajidi dindan 13 vloaz eus skolaj Plijidi da sellout ouzh ar pezh hudur-mañ.
N'hon eus ket c'hoant, ni, kerent, ez afe hor bugale da sellout ouzh seurt abadennoù.
Ne oa ket bet kelaouet ar gerent e oa anv a heñvelreviadezh. Petra oa pal an abadenn-se, a-fed raktres kelenn ? Da betra 'ta kas tri live eus ar skolaj d'he gwelout ?
Heñveldra gant ar film Tomboy e skolaj Roparz Hemon Brest
Diwallit hor bugale diouzh ar sotonioù-se, mar-plij ! Ezhomm hon eus-ni, tud ar vugale, da c'hallout kaout fiziañs er skolioù Diwan ; a-walc'h a draoù euzhus a c'hallont gwelout pe glevout e kement lec'h a zo; ar skol he deus da bal lakaat anezho da zeskiñ, da labourat ha da brederiañ, ha n'eo ket distummañ o speredoù.

"N'hon eus ket c'hoant, ni, kerent, ez afe hor bugale da sellout ouzh seurt abadennoù. "
1-Marteze e vije bet gwelloc'h deoc'h sinañ an dagadenn-mañ. Ne oa ket ken spontet ar mabig jesus gant ar Romaned.
2-Kinnig a ran deoc'h klask titouroù (war ar rouedad, da skouer : Gant an titouroù se, e c'hell pep hini difenn d'e vugale mont da welout traoù "ken heugus"
3-Laouen on e vez kinniget seurt abadennoù d'am bugale... dreist holl pa lennan ho c'homzoù. Respont a ra d'ar goulenn ho poa savet (" Petra oa pal an abadenn-se, a-fed raktres kelenn ?")
4-M'ho peus c'hoant klemmichal, kit d'an iliz pe d'ur lec'h gouestlet d'ar re a-seurt ganeoc'h. Pe skrivit ul lizher d'ar skolaj evit rein aotre d'ho pugale chom er c'houskva o lenn ar bibl. Mod-se e vo prederiet ganto, desket traoù (soñjal a ra din ez eo kalz dedennusoc'h ar pezh zo bet graet gant izili ho sektenn goude (lazhadegoù, jahinerezh, kenlabourerezh gant diktatourien, ha kement zo)... 'Fin... an holl vo laouen

Da "Dizoue". Respont a rin poent ha poent.
1. N'eo ket va c'hasadenn gentañ un dagadenn : hepken ur stadadenn. Ha sinet eo ganin. C'hwi avat ne sinit ket !!
2. ar stadadenn a zo : difennet eo dindan 13 vloaz met kaset eo bet bugale yaouankoc'h. Ha dlead ar skolaj e oa hag ivez PIBA kelaouiñ ervat ar gerent danvez gwirion ar pezh : an heñvelrevouriezh.
3. Laouen omp ivez o welout e tiskouezit d'an holl ho tremm gwirion : ne zoujit ket ouzh gwirioù ar gerent a zo e karg EZ-NATUREL da wareziñ o bugale a-enep hollveliouriezh hudur tud 'zo...
Devezh mat deoc'h (gwechall e brezhoneg e oa tu da lavarout "Doue d'ho pennigo" hep bezañ kunujennet ha ne fell ket din ho lakaat da bec'hiñ c'hoazh, salokras !)