ABP

- Agenda -

Ur staj brezhoneg 2 zevezh d'an 22 ha 23 a viz C'hwevrer e Pornizh

Emaoc'h o klask ur prof dibar evit ur mignon pe evidoc'h ?! Profit ur staj brezhoneg 'ta ! E miz C'hwevrer e vo aozet un dibenn-sizhun staj brezhoneg gant Kentelioù an

Par Julia THEPAUT pour Kentelioù an Noz le 22/01/14 16:15

Emaoc'h o klask ur prof dibar evit ur mignon pe evidoc'h ?! Profit ur staj brezhoneg 'ta !

E miz C'hwevrer e vo aozet un dibenn-sizhun staj brezhoneg gant Kentelioù an Noz. Graet e vo er greizenn Feunteun ar Vretoned e Porniz, d'ar sadorn 22 ha d'ar sul 23.

Tro ho po d'adwelout ho paregezhioù ha mont pelloc'h gant ar yezh, c'hoari, zañsal, kanañ e brezhoneg, hag ivez da weladenniñ Pornizh, ur gêr vrav anezhi, ha kejañ gant brezhonegerien ! Plijadur a vo, penn da benn !

En ul lec'h dreistordinal e tremenoc'h un dibenn-sizhun leun a souezhenn ! Digor d'an holl eo ar staj : deraouidi, deskidi ha brezhonegerien ampart. Bemdez e vo kinniget deoc'h 3 c'hentel pe obererezh e brezhoneg.

Prizioù :

An dibenn-sizhun (an holl predoù hag an nozvezh war al lerc'h) : 90¤ priz leun, 70¤ priz bihanaet.

Un devezh (gant ar pred) : 40¤ priz leun, 35¤ priz bihanaet.

Ret eo emezelañ d'ar gevredigezh (15¤).

Soñjit da brofañ ar staj, evit un deiz-ha-bloaz, ur gouel bennak, pe evit ar blijadur brav da brofañ ! Tu zo da gemer perzh er staj evit un devezh pe evit an dibenn-sizhun en-he-bezh. Kit e darempred ganeomp evit kaout muioc'h a ditouroù, lakaat ho anv pe goulenn un tiket-prof !

Kentelioù an Noz, 13 straed ar Breolimer, 44800 Sant Ervlan ; tél : 02.40.20.39.74 ; breton-nantes.org ; kenteliouannoz [at] gmail.com

Voir aussi :

Skyjo, ar c'hoari-taol gwerzhet ar muiañ e brezhoneg ! par BREZHOWEB le 18/11/2024
Istor ar brezhoneg gant Ronan Kalvez par BREZHOWEB le 24/10/2024
Petra nevez e brezhoneg e miz Here ? par BREZHOWEB le 01/10/2024
Enklask war ar c’hleweled e brezhoneg gant André Lavanant par Philippe Argouarch le 16/08/2024
Desketa, ur benveg nevez evit deskiñ brezhoneg ! par BREZHOWEB le 04/07/2024
Petra nevez e brezhoneg evit an hañv ? par BREZHOWEB le 03/07/2024
An drouizelezh, ur relijion ? par BREZHOWEB le 23/05/2024
Pezh-c’hoari e brezhoneg : Traez Gwaremm par Marie-Noelle Rinquin le 02/05/2024

Ur gevredigezh stummañ an dud deuet d\\\'ar brezhoneg eo Kentelioù an Noz. El Liger-Atlantel e kas e obererezhioù.

[ Gwelout pennadoù all Kentelioù an Noz]

Vos 0 commentaires

Commenter :

Put your name here

ABP

Agir

Nous suivre