ABP

- Chronique -

Prenañ tud fur ha sentus gant prizioù a bep seurt ?

Na laouen ar vrezhonegerien !

Par Fanny Chauffin pour ABP le 8/01/12 10:52

Piv a oar e oa bet nac'het ar Prizioù gant tud evel Goulc'han Kervella pe Bernez Tangi, o lakaat Goulwena an Henanff diaes, ar bloavezhioù paseet ?

Piv en deus klevet e oa bet Riwall Huon e-pad saloñs Gwened enoret evit e romant "ar marc'h glas" o c'houlenn e vefe eskemmet e priz ("croisière" chik ha cheur, a dalveze 5000 euro) gant ur sammad arc'hant da reiñ da Ziwan ? Trouz ebet er c'hazetennoù, fulor maer Gwened ...

Ha laouen ar vrezhonegerien ? Ya, re Naoned sur, an abadenn nemeti e brezhoneg o do e-pad ar bloavezh war frans 3 ... eo just a-walc'h hini ar Prizioù !

Gant un eurvezh ha kard e brezhoneg bep sizhun n'eo ket brav plas ar brezhoneg war ur skinwel rannvroel a zo bremañ "Rannvro ar C'hornog : Frañs 3 Ouest", da lavarout eo echu gant Breizh. Na laouen ! Nag eurüs !

Dre chañs e vez radioioù, kalz marc'hadmatoc'h a ra ur sapre labour evit ar yezh. Muioc'h mui a dud skiant prenet, gant ul live yezh o kreskiñ, abadennoù liesseurt. Gant ma vo dihunet mat selaouerien hag arvesterien bedig bed ar c'hleweled e brezhoneg e Breizh ...

Voir aussi sur le même sujet : stourm,Frañs 3,Liger-Atlantel

Les maisons géorgiennes : 250 ans d'histoire dublinoise ! par Kerne Multimedia le 19/09/2023
Jean-François Bernardini : ur stourmer evit ar yezhoù gwasket par Kerne Multimedia le 23/08/2023
Etre ar vezh hag al lorc'h : Becassine par Kerne Multimedia le 20/08/2023
Kollog Breizh keltiek : Rozenn e kreiz ar stourm par Kerne Multimedia le 05/08/2023
Keav : 400 den e korf div sizhun ! par Kerne Multimedia le 29/07/2023
Plas an niverel e korseg e Korsika : eilvet prezegenn GBB par Kerne Multimedia le 06/07/2023
Prezegennoù GBB : teir eurvezh da brederiañ a-ziwar dazont ar brezhoneg er bed niverel par Kerne Multimedia le 02/07/2023
Tremen an DNB e brezhoneg : perak ne c'hellfent ket re Ziwan ober evel re Seaska ? par Kerne Multimedia le 25/06/2023
Manifestadeg e Kemperle : kenderc'hel a ra ar stourm par Kerne Multimedia le 03/05/2023
Emgav fenoz da 7e dirak pep Prefeti Breizh ha Bro C'hall par Kerne Multimedia le 30/03/2023

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Vos 4 commentaires

Cochise Le Dimanche 8 janvier 2012 17:50

Anez disoñjal al lenn, memes tra, ha skipailhoù evel reoù "Ya!" pe "Bremañ", tud donezonet ha labourus enno ivez !

(0)

Bernez Riou Le Mardi 10 janvier 2012 10:08

N\'ouzon ket ha laouen eo ar vrezhonegerien all... Gouzout a reont koulskoude n\'eus ket kalz brezhoneg er skinwel. A-hend-all ne gavan ket e vije klevet brezhoneg gwall vat alies.
Marteze ez eus muioc\'h er skingomz, met ne vez ket klevet: em skingomz-me n\'eus nemet galleg.
Gwir eo, pa gomzer eus France 3 Ouest n\'eus anv ebet eus Breizh. Pa gomzer eus Ouest-France, pe Radio Kerne zoken, n\'eus anv ebet eus Breizh ivez.
A-hend-all, evit ar Prizioù, eo splann pegen dister eo al lec\'h roet d\'al levrioù. Evit reiñ c\'hoant da skrivañ, da dreiñ, da embann, pe da lenn levrioù nevez e brezhoneg, e vo ret kavout doareoù all efedusoc\'h .

(0)

Alter Ego Le Mardi 10 janvier 2012 12:34

Piv a gendalc\'h da sellout ouzh ar skinwel e 2012?

(0)

L. Berrou Le Mercredi 11 janvier 2012 09:51

Evit a sell ouzh F3 e oa gwelloc\'h ganin an abadennoù kinniget gant F. Broudic pe C. Ar Mero (pe B. Rouz) : donoc\'h er c\'haoz e yae an atersadennoù eget reoù ar ginnigerien nevez. Kalz re a sonerezh a zo bremañ, ha re skañv danvez an abadennoù. 'Blam d\'an dra-se ne sellan ket mui ouzh \"Bali Breizh\".

(0)

Commenter :

Put your name here

ABP

Agir

Nous suivre