UDB (Unvaniezh Demokratel Breizh) a ro skoaz d’an Aotrou Dominig Jolivet-Klec’h a dremeno dirak Lez-varn Gwengamp d’ar merc’her 14 a viz genver da 2e Goude merenn.

An Aotrou Dominig JOLIVED-KLEC’H a nac’h paeañ an taos skinwel peogwir e soñj dezhañ eo re zister plas ar brezhoneg war France 3 ha ne vez ket sevenet o c’hefridi a “servij publik” gant ar chadennoù publik Gall e Breizh…N’eo ket UDB a vo souezhet gant un disklêriadenn a-seurt-se ?

Goude ma voe skoet garv TV Breizh- ha mouget hon esperansoù kaer- gant divizoù ar CSA en doa nac’het reiñ frekañsoù da chadenn Rannvro prevez kentañ ar C’hwec’h-korn, eo kroget en-dro randonerezh boas “an is-diorren” da ren war ar c’hleweled e Breizh…

Penaos e c’hellfemp-ni bezañ laouen gant ar 80 eurvezh abadennoù brezhoneg nemetken a vez produet bep bloaz gant France 3 Ouest; pa ouier ouzhpenn-se, e klask ingal pennoù-bras Pariz a ra war-dro ar chadenn-se, kuzhat an traoù a zegas soñj eus Breizh en o abadennoù betek anv hor Bro a zirenk anezhe – war lec’hienn Internet ar chadenn Rannvro publik n’heller ket kavout ar ger “Breizh”

Evit UDB eo peogwir e vanka ur youl bolitik kreñv da Josilin a Roc’han, ar prezidant Rannvro, da gas Breizh war-raok da vat, e chom Kleweled Breizh paour-razh…Pegoulz e kompreno an dilennidi e c’hell ar sevenadur degas labour da galz a dud er vro ha sevel “ servijoù skinwel Breizhek”, pe vefent publik pe brevez a rofe lañs d’an ekonomiezh tro-dro dezhe…UDB a zegas da soñj ez eus e holl ranvroioù Europa, hag evit darn dioute dibaoe ouzpenn ugent vloaz, servijoù publik emren skinweloù Rannvro gant kement a skoazelloù arc’hant hag a dud o labourat enne hag a zo e chadennoù TV Bro-C’Hall. Da heul sevel ar servijoù TV publik er Rannvroioù-se ez eus bet krouet miliadoù a bostoù labour gant servijoù publik ar stadoù, met ivez e lod eus ar broioù, gant ar chadennoù prevez (4 000 e Bro Gembre da skouer).

UDB a embanno e-kerzh ar c’hampagn evit ar votadegoù Rannvro e fell dezhi sevel e Breizh: Ur servij publik skingomz ha skinwel Breizhek. CSA Bro-C’Hall a aotreo implij ar frekañsoù rekis gant ar servij publik-se evit ma c’hellfe skignañ holl abadennoù e brogrammoù war Breizh a-bezh. Rankout a raio ar programmoù-se bezañ degemerabl gant an holl dud hep bezañ koustusoc’h dezhe. Servijoù publik skingomz ha skinwel Breizh a ranko reiñ aotre da radioioù kevredigezhel ar vro da skignañ o abadennoù war Breizh a-bezh. Kentañ tra e ranko ober ar servij-se eo reiñ lañs d’ur radio publik e brezhoneg.

UDB a ro skoaz d’An Aotrou Dominig Jolivet-Klec’h peogwir e soñj deomp e rank ar bolikerien, ar re a zo gwir bolitikerien anezhe, stourm ouzh gwaskerezh an demokratelezh ha nac’h ma vo kendalc’het gant gouarnamantoù Bro-C’Hall. mougañ sevenadur hag ekonomiezh Breizh.

Herve ar Gall

Mouezh UDB evit ar brezhoneg

Pgz : 02 96 24 25 09

Un emsaver eus Stourm Ar Brezhoneg (SAB) a dremeno dirak lez-varn Gwengamp d’ar Merc’her 14 a viz Genver dre ma nac’h paeañ an taos skinwel. Evit chom bev e rank ur yezh kavout he flas er skinwel. Re zister eo plas ar Brezhoneg war France 3. Ouzhpenn se eo arc’hantaet an nebeud a abadennoù ‚zo gant ar C’huzul Rannvro. Ne laoskimp ket hon yezh da vervel hep stourm.

An aozadurioù da heul a embann bezañ kengred hag a c’halv d’en em vodiñ dirak lez-varn Gwengamp d’ar Merc’her 14 a viz Genver da 2e da skoazelliñ Dominig JOLIVED-KLEC’H hag ar stourm evit ar Brezhoneg er skinwel.

• Emmanuel Grégoire et l’abbé Macron  par David Grosclaude le 23/11/2024
• Pays de Redon. La Bogue d’or, rendez-vous du « génie populaire » par Le blog de paul Molac le 05/11/2024
• Catherine Vautrin en Corse : Régions et Peuples Solidaires appelle l’Etat à enfin aboutir sur l'autonomie par RPS le 25/10/2024
• Gouvernement Barnier : des nominations inquiétantes par RPS le 24/09/2024
• Quelle future gouvernance en France ? par Marcel Berrou le 08/07/2024
• Après deux cycles de trois ans du Parlement de Bretagne réveillé, voici venir le troisième cycle ! par KAD le 01/07/2024
• Résolution pour la Réunification de la Bretagne à la XIXème Assemblée Générale de l'UNPO à Munich, les 11 et 12 mai 2024 : par KAD le 07/05/2024
• TER Nouvelle Aquitaine : quelle honte !   par David Grosclaude le 18/04/2024
• Les Braises de la Rencontre, le 5 mai 2024, sur le parc de sculptures mémorial de MAB Koad Sav Pell ! par MAB, Musée Archipel Breton le 16/04/2024
• Koun Breizh s’indigne : Non ! les festoù-noz ne sont pas des lieux réservés aux « attardés » ! par Koun Breizh - Bertaign Tenant - Mémoire-de-Bretagne le 07/01/2024