ABP

- Agenda -

Kafedi Istor - Ar galloudoù e Breizh eus Alan Varvek d'ar Blantajeneded (936-12vet kantved)

Kafedi Istor : "Ar galloudoù e Breizh eus Alan Varvek d’ar Blantajeneded (936-12vet kantved)" (lusket gant Rafael Urien)

Par Rafael Urien pour Kevredigezh Vrezhon le 19/01/18 9:17

Kafedi Istor : "Ar galloudoù e Breizh eus Alan Varvek d’ar Blantajeneded (936-12vet kantved)"

(lusket gant Rafael Urien)

D’ar Sadorn 27 a viz Genver 2017, 2e30 goude merenn, e tavarn ar Finnegans, 46 straed Aristide Briand, KEMPER

Goude reuz ar Vikinged ez adlaka Alan Varvek ur Stad vreizhat en he flom. Disheñvel-mat e voe ar prantad nevez eus pezh a oa ergentaou rouantelezh Vreizh avat :

-n’eo ket mui ur rouantelezh a zo e Breizh, un dugelezh (d’ar gwellañ) ne lavaran ket.

-tra ma oa Breizh Erispoe ha Salaun unan vrezhonek e holl uhelidi (brientinion lik, menec’h…), oc’h astenn he levezon eus ar C’hornôg d’ar Reter, ez eo hiviziken Breizh muioc’h-mui emellet e c’hoari politikel priñselezhioù Kornôg Frañs, ha diwar un diazez staliet er Reter – lakaet er rouantelezh vrezhon un nebeud dekvloaziadoù ’zo hepken – (Roazhon ha Naoned) ez astenn ar galloud nevez war-zu ar C’hornôg ha diwar o c’houst.

-n’eo ket un dugelezh peurunvanet hag a weler c’hoazh en 10vet ha 12vet kantved, hag ar c’hevezerezh etre Roazhon ha Naoned a zo anat, pa n’eo nemet tamm-ha-tamm e kouezh ar C’hornôg dindan o levezon.

-war greskiñ ez a levezon manatioù broioù al Liger (Angers, Marmouster…) diwar-goust ar re vrezhon (Landevenneg, Redon, Kemperle…).

N’eo ket trumm avat ar c’hemm, hag e-pad pell e vez merzet roudoù eus amzer brezhonek ha keltiek Breizh. En 11vet kantved c’hoazh e toug al lodenn vrasañ eus aotrounez Reter Breizh zoken anvioù brezhonek, meneget eo Alan Fergan e Triadoù Enez Preden savet e Kembre…

Adalek an 11vet kantved e weler dres aotrounez lec'hel piaouañ evito o-unan galloudoù a oa re ar rieg betek-hen : ar c'hladdalc'helezh an hini eo.

Gant ar Blantajened da gentañ, en eil lodenn an 12vet kantved, gant Kapetiz da c’houde, e voe savet avat un dugelezh c’hallek kreñv, tra ma reas berzh an Adreizhadur Gregorian...a-drugarez da gloer c’hall pergen.

Voir aussi :

Kafedi Istor : "Kemmoù kevredigezhel ha kevredadel, war ar maez pergen, abaoe an 19vet kantved" (lusket gant Rafael Urien) par Kevredigezh Vrezhon le 12/06/2024
Kafedi Istor : "Eus istor Mab-den da hini an denelezh : lignezouriezh, istor ar familhoù, istor lec’hel hag istor hollek" (lusket gant Rafael Urien) par Kevredigezh Vrezhon le 01/06/2024
Kafedi Istor - Gouel Piran : Istor Kerne-Veur hag un tañval eus ar c'herneveureg par Kevredigezh Vrezhon le 29/02/2024
Kafedi Istor - Gouel Dewi : Istor Kembre par Kevredigezh Vrezhon le 23/02/2024
Kafedi Istor e Kemper : "Studiañ an istor lec’hel" par Kevredigezh Vrezhon le 02/05/2022
Kafedi Istor en Henvig : "Studiañ an istor lec’hel" par Kevredigezh Vrezhon le 10/04/2022
Kafedi Istor : "Studiañ an istor lec’hel" par Kevredigezh Vrezhon le 11/12/2021
Kafedi Istor : par Kevredigezh Vrezhon le 11/10/2021

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

[ Gwelout pennadoù all Kevredigezh Vrezhon]

Vos 0 commentaires

Commenter :

Put your name here

ABP

Agir

Nous suivre