ABP

- Agenda -

Kafedi Yezh : Ar c'hrennvrezhoneg

Kafedi Yezh : ar c'hrennvrezhoneg, lusket gant Yannig Laporte. D'ar Sadorn 29 a viz Ebrel 2017, 2e30 goude merenn, e tavarn Ar Finnegans, 46 straed Aristide Briand, Kemper

Par Rafael Urien pour Kevredigezh Vrezhon le 28/03/17 21:06

Kafedi Yezh : ar c'hrennvrezhoneg, lusket gant Yannig Laporte.

D'ar Sadorn 29 a viz Ebrel 2017, 2e30 goude merenn, e tavarn Ar Finnegans, 46 straed Aristide Briand, Kemper.

Kinniget e vo deoc'h un alberzh eus ar brezhoneg komzet - ha skrivet - etre an XIIvet hag ar XVIIvet kantved.

Liesseurt eo an danvez, muioc'h eget a vez soñjet peurvuiañ. Lakaet e vo ar gaoz war an emdroadurioù pennañ ha danvez ar skridoù deuet betek ennomp.

Mard eo bet levezonet kalz gant ar galleg, n'eo ket peurc'hallekaet kennebeut.

Gerioù, troiennoù ha perzhioù predenek - lod anezho heñvel e kerneveg pe e kembraeg en deiz hiziv - a zo chomet bev-mat.

Voir aussi :

Kafedi Yezh - "An henvrezhoneg" (lusket gant Yannig LAPORTE) par Kevredigezh Vrezhon le 21/01/2020
Kafedi Yezh : An henvrezhoneg d'ar Sadorn 21 a viz Genver, Kemper par Kevredigezh Vrezhon le 13/01/2017

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

[ Gwelout pennadoù all Kevredigezh Vrezhon]

Vos 0 commentaires

Commenter :

Put your name here

ABP

Agir

Nous suivre