ABP

- Chronique -

Aostralian bashing : alouberien pe tud aloubet ?

Brav ar festival, tremenet mat, ur mekanik ramzel gant 1500 den a-youl-vat, arzourien ha sonerien a-feson o tiskouez pinvidigezh ar c’hrouiñ e Breizh, gant kinnigoù a bep seurt evit ar

Par Fanny Chauffin pour ABP le 16/08/16 0:02

Brav ar festival, tremenet mat, ur mekanik ramzel gant 1.500 den a-youl-vat, arzourien ha sonerien a-feson o tiskouez pinvidigezh ar c’hrouiñ e Breizh, gant kinnigoù a bep seurt evit ar re binvidik, ar re baour, ar re a blij dezho ar rock, ar folk, ar re a bliij dezho debrin traoù lipous, tañva steak kangourou, diskanañ gant tud Bro-Gebek...

Muioc’h a vrezhoneg a oa ar bloaz-mañ, gant nebeutoc’h a fazioù war ar panelloù. Adwelet oa bet an holl banneloù, dre chañs, evit ma ne vefe ket mui teir gwech « bilhederezh » skrivet gant doareoù disheñvel. Brezhoneg e genou an arzourien evel Armel An Hejer, Lors Landat, Morwenn Le Normand... Brezhoneg gant Ai'ta ! er Breizh stade, e liorzh al ludourien, e Tachad ar gomz hag ar c’hengred. Tud o klask war un daolenn troidigezh gerioù simpl gant sikour levrioù evit ar vugale pe geriadurioù bihan, tud o komz brezhoneg etreze war kae Breizh, dirak hag a-dreñv ti krampouezh Diwan. Met ne veze ket kinniget an abadennoù « ofisiel » e brezhoneg, pa veze graet e saozneg.

Met plas an Aborijen ?

Aborijen : un den hepken er festival.

An didjeridoo nemetañ a oa sonet gant ur paotr eus Pariz. Klevet oa bet kanaouennoù trist paour kaezh tud Iwerzhon pe Gembre divroet en Aostralia... met netra gant ar re o chom du-se abaoe miliadoù a vloavezhioù, gant ur sevenadur, unan eus ar re goshañ a zo er bed, gant 25 familh yezhoù, an holl o vevañ pell eus ar c’herioù bras, evel an Indianed... Kalz re nebeut a zoujañs ouzh ur bobl gwallgaset pa vez implijet gant ar festival arouezioù o sevenadur forzh pegement, ar skritell, ar c’hangourou, ar boomerang, an didjeridoo, an tresadennoù war an traezh...

Traoù a zo da zeskiñ c’hoazh gant aozerien ar festival evit doujañ ouzh ar pobloù bihan.

Voir aussi sur le même sujet : FIL,stourm

Jean-François Bernardini : ur stourmer evit ar yezhoù gwasket par Kerne Multimedia le 23/08/2023
Kollog Breizh keltiek : Rozenn e kreiz ar stourm par Kerne Multimedia le 05/08/2023
Manifestadeg e Kemperle : kenderc'hel a ra ar stourm par Kerne Multimedia le 03/05/2023
Merc'hed e penn ar stourm : leveoù, manifestadegoù par Kerne Multimedia le 17/02/2023
Armenia: stourm ur bopl skuizh-marv par Anna Mouradova le 09/01/2023
14vet emvod meur ar gevredigezh Roz Glas : stourm evit kelaouiñ par Kerne Multimedia le 20/11/2022
Anvioù lec'h : nag a draoù da zeskiñ c'hoazh ! par Kerne Multimedia le 29/08/2022
Brezhoneg ha gallaoueg e Ciné FIL : interessant atav ! par Kerne Multimedia le 25/08/2022
Anvioù tud displeget brav gant Serj er FIL par Kerne Multimedia le 24/08/2022
Ur c'haner etrevroadel hag ur stourmer ? Murry Head er FIL par Kerne Multimedia le 21/08/2022

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Vos 1 commentaires

Ar Vran Le Lundi 22 août 2016 17:38

Même si je n'écris en breton, je peux le comprendre.
En résumé et en dehors de la place de la langue bretonne cette année au FIL, vous dites que la culture aborigène d'Australie n'était pas présente à Lorient. J'oserai dire que cela est normal car le FIL est le festival interceltique et à ce que je sache la culture aborigène d'Australie n'a rien à voir avec les cultures celtiques, donc ce n'est pas un oubli
Ou alors sous prétexte de culture minoritaire on change la raison d'être de ce festival. Je ne pense pas que cela soit judicieux.

(0)

Commenter :

Put your name here

ABP

Agir

Nous suivre