ABP

- Communiqué de presse -

Kenavo Per, trugarez

Kenavo Per ha trugarez. Penaos e c'hellomp eztereul hor glac'har don hag hon zristidigezh o kemenn ez eo Per Denez aet da Anaon ? Stourmer arouezel evit difenn ha brudañ sevenadur Breizh

Par Patrick Malrieu pour Institut Culturel de Bretagne le 1/08/11 15:40

Kenavo Per ha trugarez

Penaos e c'hellomp eztereul hor glac'har don hag hon zristidigezh o kemenn ez eo Per Denez aet da Anaon ?

Stourmer arouezel evit difenn ha brudañ sevenadur Breizh a-hed eil rann an XXvet kantved, e labour hag e levezon a vo bet divent evit Breizh.

Tud-all a raio anv eus e labour lennegel, evit ar yezh, evel skol-veuriad, a live etrevroadel, e labour embann… e stourmoù evit lakaat anavezout plas ar brezhoneg en deskadurezh…

Evit Skol-Uhel ar Vro e chomo an hini en deus roet buhez d'e obererezh e-pad meur a vloavezh, mare pinvidik ha frouezus evit sevenadur Breizh. Ur mare ma oa bet tu da vodañ baregezhioù ar skolioù-meur ha re ar c'hevredigezhioù evit labourat asambles ha talvoudekaat o ferzhioù disheñvel.

Ul labour kevreer dibar ha pouezus kenañ en deus graet Per Denez.

Reizh e oa reiñ dezhañ kolier an Erminig, un enor bet krouet evit trugarekaat an dud o deus gouestlet o nerzh hag o amzer da stourm evit Breizh, ur vuhez-pad peurvuiañ evel ma reas Per Denez.

Skol-Uhel ar Vro a gas gourc'hemennoù frommet a gengañv d'e familh hag a rann e glac'har.

Kenavo Per ha trugarez !

Obidoù Per Denez a vo lidet d'ar Merc'her 3 a viz Eost da 14 eur, en Iliz Itron Varia an Thabor : iliz Sant Melen, e Roazhon.

(voir le site)

Voir aussi :

Ur vuhez gouestlet d'ar stourm sevenadurel evit yezhoù ar bed : Per Denez par Kerne Multimédia le 29/07/2021
La prophétie de Gwenc'hlan par marc Patay Lejean le 17/01/2019
Mort de François Le Mouël, le tombeur de la French-connection par marc Patay Lejean le 07/10/2015
Herri Ar Borgn est décédé par Sten Kidna An-Alre le 30/09/2015
Décès de Loeiz Laurent par La Rédaction le 11/08/2015
A Huge Loss for Brittany ? RIP Jean-Yves Cozan par Celtic League le 19/06/2015
Hommage de Bretagne Réunie 29 à Jean-Yves Cozan par Comité Bretagne Réunie Quimper-Cornouaille le 18/06/2015
Hommage à Jean-Yves Cozan par Alliance Fédéraliste Bretonne - Emglev Kevredel Breizh le 17/06/2015

[ Gwelout pennadoù all Institut Culturel de Bretagne]

Vos 1 commentaires

Anna Mouradova Le Mardi 2 août 2011 18:46

Gourc'hemennou a genganv da familh Per Denez. Un den hep a bar e oa. Atav e roe skoazhell d'ar re a oa o labourat war dachenn ar vrezhoneg.
Un den hegarat e oa... N'on ket evit kredin eo aet da viken...

(0)

Commenter :

Put your name here

ABP

Agir

Nous suivre