Dimerc'her a zeu da 2 eur e vo lidet obidoù Per Denez en Iliz Itron Varia an Thabor e Roazhon.

Ganet e 1921, studiañ a reas e skolaj Sant Marzhin e Roazhon. Desavet gant e vamm, ur gemenerez, deskiñ a reas brezhoneg da 13 vloaz, ha diwezhatoc'h pa voe gant studierien stourmerien e-pad an Eil Brezel-bed. Chom a reas e darempred gant Roparz Hemon goude ar brezel, p'edo Roparz en Iwerzhon.

E 1945, adkregiñ a reas gant e studioù goude ur c'hleñved grevus, prientiñ a reas un aotregezh. En Aberdeen (Bro-Skos) e chomas e-pad bloaz. Kelenn a reas saozneg e Kemper, ha da c'houde, kredapl abalamour d'e stourm evit Breizh, e voe kaset da B/Périgueux. Mont a reas da labourat da Zouarnenez ha dimeziñ a reas gant e wreg, brezhonegerez anezhi, a sikouras anezhañ evit an enklaskoù kaset gantañ.

Tremen a ra un dezenn diwar-benn brezhoneg Douarnenez. Dont a reas da vezañ kelenner skol-veur e Skol-veur Roazhon 2, ma chomas 21 bloaz. E 1981 e voe krouet an aotregezh vrezhoneg, a-drugarez dezhañ ha d'ar prezidant nevez, François Mitterrand.

Skrivet gantañ "Brezhoneg buan hag aes", un hentenn fentus gant tresadennoù Nono, met hentennoù all ivez evit sikour an deskidi. Skrivet ez eus bet gantañ romantoù ha danevelloù, leun a fent ha kevrinus war-un-dro.

Glas evel daoulagad c'hlas na oant ket ma re, Al Liamm 1979 ;

Hiroc'h eo an amzer eget ar vuhez, Mouladurioù Hor Yezh (MHY), 1981 ;

Evit an eil gwech, MHY, 1982 ;

Eus un amzer 'zo bet, MHY, 1992 ;

En tu all d'an douar ha d'an neñv, MHY, 1993 ;

Da Rouz An Noz, MHY, 1996.

• Ur vuhez gouestlet d'ar stourm sevenadurel evit yezhoù ar bed : Per Denez par Kerne Multimédia le 29/07/2021
• A propos d’une photo militaire à Saint-Aubin du Cormier… en hommage à Per Denez! par MAB, Musée Archipel Breton le 12/11/2011
• Politique régionale jeunesse. Déclaration du représentant ICB au CESER, session plénière 8 sept 2012 par Institut Culturel de Bretagne le 08/09/2011
• La messe en langue bretonne du Festival Interceltique de Lorient dédiée à la mémoire de Per Denez par Jacques-Yves Le Touze le 08/08/2011
• Disparition d'un ami des espérantistes : Per Denez par IKEL (Internacia Komitato por Etnaj Liberecoj = Comité International pour les Libertés Ethniques) le 08/08/2011
• Death of the Breton linguist Per Denez par Philippe Argouarch le 02/08/2011
• Enoriñ a ra Jean-Yves Le Drian Per Denez par Région Bretagne le 02/08/2011
• Jean-Yves Le Drian rend hommage à Per Denez par Region Bretagne le 01/08/2011
• Marv Per Denez par Alliance Fédéraliste Bretonne - Emglev Kevredel Breizh le 01/08/2011
• Disparition de Per Denez par Kuzul ar Brezhoneg le 30/07/2011