ABP

- Annonce -

KEST, ar romant aodio kentañ e brezhoneg !

Ur romant a gont kest Erwan war-lerc'h istor e familh, eus Breizh da Verlin.

Par Kristian Braz pour Blaz produktion le 19/11/18 17:01

Kest Blaz Produktion

Kest, ar romant aodio kentañ e brezhoneg !

Fin, din da c’houzout, ha pe na daoler ket kont eus an toulladig levrioù deuet maez gant ur CD d’o heul.

photo2

Rak amañ zo bet graet ar c’hontrol : war ar CD e vo kavet an istor kontet (2 eurvezh, 16 pennad), hag an destenn da heul war PDF evit ar re a blijo dezhe lenn anezhi.

Kest, petra eo ?

Ul levrig skrivet ganin evit Priz ar Yaouankiz 2010 (ha bet anezhañ !) eo, bet embannet neuze gant Keit Vimp Bev. Un doare « Bildungsroman » eo, da lâret eo un istor ma vo kavet e/he hent a-hed ar pajennoù gant un den yaouank.

Erwan a zo ur paotr 18 vloaz, dilaouen anezhañ, start e zarempred gant e dad hag gant ar merc’hed.

Pa gav e ti e vamm-gozh nevez marvet un deizlevr skrivet gant un ofiser alaman e 1944 hag ur pakad lizhiri kaset gant e eontr kozh eus Alamagn ar Reter kozh e vo cheñchet penn-da-benn ster e vuhez. Mont a raio betek Berlin da gavout roud eus e dad-kozh hag eus e eontr kozh, bev atav, deuet hennezh da vezañ kenlabourer ar STASI goude bezañ bet ouzh tu an Almanted e-pad ar brezel. Ouzhpenn-se e kavo Erwan ar garantez du-hont !

Un « audiobook », perak ?

N’eo ket kresket kalz a-hed ar bloavezhioù an niver a lennerien lennegezh vrezhonek, siwazh. Ha nebeut-tre 'vez kavet da glevet er radioioù. Anaout a ran koulskoude kalzig a dud a blijfe dezhe KLEVET lennegezh.

Berzh en doa graet al levrig Kest e bedig-bed an embann brezhonek, ha fromet e oa bet an dud gant an istor-se. Soñjet ‘m eus neuze ne vefe ket ur soñj fall kinnig anezhañ en e stumm komzet.

Kest : penaos ?

Enrollet eo bet ganin er studio Diatonic e Kleder, frammet ha chabistret ganin ha gant Aline Aubry, embannet nevez zo gant Al Liamm ha dasparzhet gant Kuzul ar Brezhoneg (voir le site) , 12 euro an tamm.

Ma plijo d’an dud, ha ma vo heuliet gant ur bern aodiolevrioù all en hor yezh !

Kristian (ar) Braz

(En nec'h, un tañva eus an istor : pennad 3)

Voir aussi :

Festival du livre de Carhaix : Kristian Braz remporte le prix de la nouvelle en breton pour la troisième fois par La rédaction le 21/10/2023
Moussa, 3de dastumad danevelloù Kristian Braz par Blaz produktion le 21/09/2023
Kest, ur Bildungsroman, etre enklask istorel ha road movie par Kerne Multimédia le 26/02/2021
Kroashent-tro, gant Kristian Braz par Blaz produktion le 19/06/2020
Kest par Kuzul ar brezhoneg le 23/12/2018
Priz ar Yaouankiz 2010 : Kest hag Evit sikour Eleonor dibabet gant ar re yaouank par Fanny Chauffin le 07/06/2010
Kest : ur Bildungsromant par Fanny Chauffin le 21/10/2009

Traducteur, écriveur, vidéeur, animateur radio et formateur en breton.

[ Voir tous les articles de Blaz produktion]

Vos 0 commentaires

Commenter :

Put your name here

ABP

Agir

Nous suivre