Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Rapport -
Priz ar Yaouankiz 2010 : Kest hag Evit sikour Eleonor dibabet gant ar re yaouank

Lise Karaez, leun chouk ar sal 112, pemp skrivagner, ur c'helenner, Mark Masson, hag ur strollad liseidi aketus. Kontet oa bet dezho istor ar priz ganet e 2004 war intrudu ar gevredigezh fea, ha gant sikour ar C'Huzul meur Penn ar bed, ar Renerezh Yaouankiz ha Sportoù, ha gant an ti-embann Keit Vimp Bev.

Fanny Chauffin pour ABP le 7/06/10 18:37

Lise Karaez, leun chouk ar sal 112, pemp skrivagner, ur c'helenner, Mark Masson, hag ur strollad liseidi aketus.

Kontet oa bet dezho istor ar priz ganet e 2004 war intrudu ar gevredigezh fea, ha gant sikour ar C'Huzul meur Penn ar bed, ar Renerezh Yaouankiz ha Sportoù, ha gant an ti-embann Keit Vimp Bev. E c'hwec'h bloavezh e oa bet embannet 52 levr, 13 titr evit re ar c'hentañ derez (CE2/CM2) ha 39 titr evit ar re a zo e skolaj hag el lise. 750 vot, 10 skolaj ha lise, deus Kemper, Lesneven, Plijidi, Gwened, Ar Releg, Brest, Gwiseni... o deus dibabet ar re o deus plijet dezho ar muiañ.

Levrioù evit ar baotred ? Kizidikoc'h eo ar merc'hed ? Daneveloù a blij dezho : "n'eo ket ken hir da lenn, aesoc'h eo evit heuliañ an istor ..."/ Met memestra eo romant Kristian ar Braz a zo bet trec'h, gant tost 62% eus ar votadegoù. Evit ar skolajoù eo un istor faltaziek gant un arrozez o erruout war skramm urzhiataer ur Geek a zo bet dibabet (44% eus ar votadegoù).

Displeget e oa bet en un doare brav e oa ret "krediñ skrivañ" gant Riwanon Kervella. "Tud zo e pep lec'h e Breizh a c'hell sikour ac'hanoc'h da zifaziañ ar yezh, met ar pep pouezusañ eo kontañ istorioù brav, rein boued da vezañ lennet d'ar re all ... e brezhoneg".

Setu an disoc'hoù

Priz ar Yaouankiz ar Skolajoù (6vet/pevare)

1- Evit sikour Eleonor, Yann-Fañch Jacq

2- Abati an Aon, Pierre-Emmanuel Marais

Priz ar Yaouankiz al Liseoù (trede/lise)

1- Kest, Kristian ar Braz

2- Un, div, teir, Awen Kerin

Voir aussi :
mailbox
Cet article a fait l'objet de 1459 lectures.
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all gant Fanny Chauffin
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 6 multiplié par 6 ?