S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
E hanternoz e bourc'h Banaleg e oa ur mor a dud gant bugale, kerent, stourmerien, tud souezhet da welet un dra dreistordinal o tremen e kreiz ar vro : ar redadeg !
50 mn dale oa gant ar redadeg e Rosporden. Ne vern : tud oa o c'hoarzhin, o kanañ, o tiskouez ur moto kozh, ur gwiskamant pa oa tud ar surentez o tisplegañ penaos ober gant ar vugale tuchant e Banaleg. Ar re yaouank bet e memes skolaj oc'h eskemm, o farsal...
Ha setu, e-pad teir eurvezh, tud a-dreñv ar c'hamion o strivañ, o redek "evit ar brezhoneg", sportourien, maouezed ha tud koshoc'h diaes gante a-wechoù da heuliañ ul lusk ken fonnus, met ret e oa d'ar blenier diwall, a-dreñv ar c'hamion mezeien a oa prest gant an "defibrillateur"... Met ne oa ket bet implijet, dre voneur !
Hag e Banaleg bugale e leiz, e pad kazi tri c'hilometr, laouen, leun a nerzh hag a startijenn, ur mousc'hoarzh war genoù an holl. Ha neuze, perak e oant o redek holl asambles ? "Evit ar brezhoneg", evit ar spered a-stroll, evit ur bed a zouj ouzh ar yezhoù bihan, ouzh tud ar vro !
Vidéos
Newsletters
Flux RSS - français
ABP sur Facebook
ABP sur X
Chaîne Youtube ABP