ABP

- Dépêche -

Lise Diwan : distro ar gelennerien hag ar gasourien

Ur pezh mell skipailh, ur savadur dispar, hag heol splann evit kregiñ ar bloaz !

Par Fanny Chauffin pour ABP le 3/09/11 11:31

Aze e oant kazi holl, kelennerien ha kasourien evit prientiñ ar bloavezh-skol. Implijoù-amzer, dilojadegoù, staliañ ar c'hlasoù nevez evit degemer dilun an 260 lisead a vo..., startijenn oa gante. Mat eo bet disoc'hoù ar vachelouriezh, gant ur feur uhel a dud degemeret, evel boaz. Skoazellet e vez kalz al liseidi a-hed ar bloaz, ha kenskoazell etre ar re yaouank a vez ingal ivez.

AR savadurioù nevez a vo meret gant ar gevredigezh l'Aile. Merañ a ra FJT (oaled al labourerien yaouank) Karaez dija. Brav an diabarzh, ret eo gortoz miz pe dost koulskoude a-raok implij an holl savadurioù. Implijet e vo an oaled kozh c'hoazh gant ar vrezhonegerien yaouank, met gwellaet a-galz eo bet al lec'h ha buhez al liseidi. An holl er memes lec'h bremañ (gwechall e oa an holl eilveidi e hunva lise Serusier), e-barzh bag nevez-flamm Diwan.

Dimeurzh da 5 eur noz e vo degemeret Andre Lavanant, bet Prezidant ar gevredigezh e-pad meur a vloaz, ha liseidi bet e Diwan evit ober un doare "forom Diwan", stalioù a bep seurt a vo, ha dreist-holl eskemmoù e brezhoneg evit kregiñ mat ar bloaz ha degemer an eilveidi dimerc'her ... e brezhoneg, evel-just !

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Put your name here

ABP

Agir

Nous suivre