ABP

- Communiqué de presse -

Aozañ a ra Ar Falz he staj brezhoneg bloazieg e Bihui-an-Dour

Evit an drivet bloaz ha tregont e savo Ar Falz he staj brezhoneg a vo dalc'het e Bihui-an-Dour, e fin ar viz Eost 2011. Yezh, gant ur live 4 evit mont pelloc'h, istor, buhez an dud diwar-dro, sevenadur, kanaouennoù, a-gevret gant kelennerien a-dres

Par Hervé Gourmelon pour Ar Falz le 6/05/11 18:16

Evit an drivet bloaz ha tregont e savo Ar Falz he staj brezhoneg a vo dalc'het e Bihui-an-Dour (Mor-Bihan) ar wezh-mañ e fin ar viz Eost 2011 : d'an 22 d'ar 26.

Petra eo staj Ar Falz ?

— Ur staj yezh

Gant ar c'hentelioù, ar stalieroù, ar c'han ez eus tu da bep heni da zeskiñ, da beurzeskiñ pe da wellaad e vrezhoneg. Klask a reomp ober gant ar brezhoneg ar muiañ ma c'hellomp. Klevet e vo KLT ha gwenedeg e-pad ar staj.

— Ur staj sevenadur

Dre ar baleadennoù, an diskouezadegoù hag an divizoù diouzh an noz, e kavo kement heni un tañva eus sevenadurioù ar vro : istor, lennegezh, buhez an dud...

— Mont pelloc'h gant ar yezh

Ouzhpenn al liveoù a vez kavet e kement staj brezhoneg a zo, e kennig Ar Falz ul live uhelloc'h, d'ar studierion ha d'an danvez kelennerion. Eno gant alioù kelennerion a-dres, e vez studiet testennoù lennegel, kazetennerezh, pe c'hoazh poentoù yezhadur resis (fazioù gwraet gant an nevez-vrezhonegerion, liveoù ha stummoù yezh, hag a beb sort...)