ABP

- Communiqué de presse -

Stumdi : 20 bloaz ar staj berr war enez Eusa

Bez emañ Stumdi, aozadur-stummañ war ar brezhoneg abaoe 25 bloaz, o lidañ er bloaz-mañ 20 bloaz ar staj berr war enez Eusa. Istor ar staj : -Abaoe e grouidigezh e vez kinniget

Par Claudie Motais pour Stumdi le 19/04/11 14:35

Bez emañ Stumdi, aozadur-stummañ war ar brezhoneg abaoe 25 bloaz, o lidañ er bloaz-mañ 20 bloaz ar staj berr war enez Eusa.

Istor ar staj :

-Abaoe e grouidigezh e vez kinniget bep bloaz gant an aozadur, stajoù berr ur sizhunvezh a ro tro d'ar stajidi da zizoleiñ pe da wellaat o live brezhoneg dre skrid ha dre gomz.

-E 1989, e tiviz Stumdi sevel ur staj berr war enez Eusa.

-E 2005, e tiviz ar skipailh pedagogel cheñch ar formulenn ha krouiñ ur staj tematek : kentelioù brezhoneg diouzh ar mintin (meur a live), lakaat ar c'hentelioù e pleustr goude merenn oc'h ober « skol al louarn » (dizoleiñ an endro, c'hoarioù bras, emgav gant eusaiz…). Savet e vez ar programm tro-dro d'un tem nevez bep bloaz.

Ar staj eus an 2 d'ar 6 a viz Mae 2011 :

Degemeret e vo ur pemzek stajiad bennak gant ar skipailh hag e vo kinniget dezho ur programm dreistordinal tro-dro da vilinoù Eusa hag al labourioù a veze graet gwechall :

-dizoleiñ an tem dre c'hoarioù bras (bale foto, klask an teñzor),

-dizoleiñ an endro dre weladennoù heñchet an aod vev hag an aozadur « Algues et mer » ,

-gweladenn mirdioù hag ur gorzez (beilhadenn) etre ar stajidi ha brezhonegerezed an enezenn tro-dro d'ur banne kafe.

Bep bloaz e vez kinniget d'ar berzhidi derc'hel ul levr heñchañ roet e penn-kentañ ar staj ha respont d'un nebeut goulennoù a-drugarez d'an titouroù dastumet gant tud ha koñversanted an enezenn.

Savet e vo ur gazetenn e fin ar staj.

Chom a ra plasoù c'hoazh !

Nozvezh dreistordinal ! :

Aozet e vo gant skipailh Eusa, asambles gant kevredigezh kerent skolajidi skolaj publik Eusa un nozvezh krampouezh hag ur fest-noz digoust (Yann-Fañch Kemener, Gilles Le Bigot/Jean-Michel Veillon, Tangi Le Gall-Carré/Thomas Felder),

d'ar Yaou 5 a viz Mae adal 8e00 e sal an holl sportoù,.

Evit kaout soñj eus an abadenn-mañ en deus divizet skipailh krouiñ ur « set de table » « ouzh taol e enez Eusa » gant ur c'heriaoueg tro-dro d'ar predoù e brezhoneg (da werzhañ war al lec'h).

Mont e darempred gant :

STUMDI

Maner Keranden-BP 311-29413 Landerne Cedex

02 98 21 39 94

bzh.stumdi [at] wanadoo.fr