Brav ar festival, tremenet mat, ur mekanik ramzel gant 1.500 den a-youl-vat, arzourien ha sonerien a-feson o tiskouez pinvidigezh ar c’hrouiñ e Breizh, gant kinnigoù a bep seurt evit ar re binvidik, ar re baour, ar re a blij dezho ar rock, ar folk, ar re a bliij dezho debrin traoù lipous, tañva steak kangourou, diskanañ gant tud Bro-Gebek...

Muioc’h a vrezhoneg a oa ar bloaz-mañ, gant nebeutoc’h a fazioù war ar panelloù. Adwelet oa bet an holl banneloù, dre chañs, evit ma ne vefe ket mui teir gwech « bilhederezh » skrivet gant doareoù disheñvel. Brezhoneg e genou an arzourien evel Armel An Hejer, Lors Landat, Morwenn Le Normand... Brezhoneg gant Ai'ta ! er Breizh stade, e liorzh al ludourien, e Tachad ar gomz hag ar c’hengred. Tud o klask war un daolenn troidigezh gerioù simpl gant sikour levrioù evit ar vugale pe geriadurioù bihan, tud o komz brezhoneg etreze war kae Breizh, dirak hag a-dreñv ti krampouezh Diwan. Met ne veze ket kinniget an abadennoù « ofisiel » e brezhoneg, pa veze graet e saozneg.

Met plas an Aborijen ?

Aborijen : un den hepken er festival.

An didjeridoo nemetañ a oa sonet gant ur paotr eus Pariz. Klevet oa bet kanaouennoù trist paour kaezh tud Iwerzhon pe Gembre divroet en Aostralia... met netra gant ar re o chom du-se abaoe miliadoù a vloavezhioù, gant ur sevenadur, unan eus ar re goshañ a zo er bed, gant 25 familh yezhoù, an holl o vevañ pell eus ar c’herioù bras, evel an Indianed... Kalz re nebeut a zoujañs ouzh ur bobl gwallgaset pa vez implijet gant ar festival arouezioù o sevenadur forzh pegement, ar skritell, ar c’hangourou, ar boomerang, an didjeridoo, an tresadennoù war an traezh...

Traoù a zo da zeskiñ c’hoazh gant aozerien ar festival evit doujañ ouzh ar pobloù bihan.

• Des films d'animations en breton pour Noël ! par BREZHOWEB le 19/12/2024
• Questions sur le financement des films bretons par la rédaction le 10/12/2024
• Pour la première fois un film en gaélique irlandais diffusé à la télé en Irlande du Nord par ChatGPT le 06/12/2024
• Fête de la Bretagne à Quimperlé / Film, artistes, associations par Hadañ livioù le 07/05/2024
• Le Plouc d'orgueil par Trikamar éditions le 16/02/2024
• Insanités sur Anne de Bretagne, elle aurait eu un fils qui hérita du duché par Philippe Argouarch le 17/01/2024
• le fil d'une histoire par Aux quat' Sardines le 14/12/2023
• Affaire des menhirs détruits de Carnac. Christian Obeltz le prouve : c'est le mur qui avait été ajouté à une file de menhirs pré-existante, et non l'inverse par Didier Lefebvre le 19/11/2023
• Kino Festival : skipailhoù mennet ha priz Kêr Kemper d'ur film e brezhoneg par Kerne Multimedia le 11/10/2023
• Photos from Babel Film Festival's post par Eurolang le 28/09/2023