En nevezamzer 2009 ez ae kuit Gwennole ar Menn, bet enklasker er CNRS e-pad meur a vloaz. Unan eus gwellañ gouizeien ar brezhoneg koulz e diakroniezh hag e señkroniezh. Test da gement-se e labourioù niverus embannet er c'helaouennoù skiantel brudetañ (evel Etudes Celtiques) met ivez e stumm levrioù embannet gantañ en e zastumad Skol. En dastumad diwezhañ-mañ en devoa embannet Supplément inédit au Dictionnaire vannetais d'Emile Ernault e dibenn 2008 (div levrenn). Da geñver al labour embann-se en devoa bodet 11 den a-benn kenlabourat hag eskemm o skiant war an hevelep tachenn, lec'h ar gwenedeg e brezhoneg. Evel skiantour en devoa diskouezet an hent da veur hini : bezañ uvel ha gouzout kenlabourat gant tud a bep seurt.

Sede, a-benn lidañ ar c'henlabour-se e vo aozet un devezh studi en-dro d'ar brezhoneg gant Kerlenn Sten Kidna, Ti Douar Alré ha Kevrenn ar brezhoneg Roazhon 2. Tro a vo da selaou prezegennoù diwar-benn al labourioù kaset da benn gant kenlabourerien diwezhañ Gwennole ar Menn.

Troet e vo holl ar c'haozioù e galleg war-bouez tokarnioù Ofis Publik ar Brezhoneg.

Aozerion : Ti Douar Alré, Kerlenn Sten Kidna ha Kevrenn ar brezhoneg-Roazhon 2

Lec'h : Kreizenn sevenadurel Terraqué

Adal 9e30 betak 5e g.m.

Darempred : Ronan Stéphan d'ar 06 58 97 15 93

Mail : tidouaralre [at] gmail.com

Digoust – 100 plas d'ar muiañ

• Troiad prezegennoù e Breizh par le 01/03/2023
• Ar gouel zo mat, met ar stourm zo tad ! par Kerne Multimédia le 20/05/2017
• TV Bro Kemperle : rimadelloù, festoù-noz, prezegennoù par FC le 12/03/2016
• Stourm etrevroadel e Kernitron : nerzh krouiñ ha prezegennoù par FC le 27/02/2016
• Ar C'hoursez Breizh a salud ar prezegennoù e korseg. Souezhet eo n'eus ket bet memes tra e yezhoù Breizh e Roazhon par Gorsedd de Bretagne le 29/12/2015
• Université d'été de l'institut culturel : cinq jours d'échanges de connaissances par FC le 09/08/2015
• Devezh studi Ti Douar Alre : 50 perzhiad, 8 prezegennour par FC le 05/04/2015
• Roll prezegennoù Tachad ar gomz e brezhoneg par Taol Kurun le 30/07/2014
• Diwan Pornizh : prezegennoù gant Gilbert Dalgalian d'ar 16 a viz Meurzh 2012 par Diwan le 06/03/2012
• Diwan : prezegennoù gant Gilbert Dalgalian d'ar Sadorn 17 a viz Meurzh e Naoned par Diwan le 06/03/2012