Kemennadenn ar C'hoursez Breizh evit ar c'hazetennoù diwar-benn an ober gant ar yezhoù-rannvro er bodadegoù nevez kadoriet warlerc'h votadegoù an 13 a viz Kerzu paseet.

Ar C'hoursez, Breudeuriezh Drouized, Barzhed hag Ovizion Breizh, a salud ar prezegennoù e korseg e Bodadeg Korsika a berzh an dilennidi nevez warlerc'h votadegoù an 13 a viz Kerzu.

Pennoù bras nevez ar vro a zo bet paket peg ganto er gwir hag er Frankiz da genofisielaat yezh Korsika tal kichen ar galleg, ar pezh a lak en araj evel boas bandennad jakobined ordinal Bro C'hall.

Merzhet eo bet gant ar C'hoursez n'eus ket bet un taol-kaer a seurt-se e Roazhon a-berzh ar skipailh nevez kadoriet.

Souezhet e c'hell bezañ ar C'hoursez pa'z eo bet respontet d'he goulennoù (gwelit anezho war hol lec'hienn internet°) gant Jean-Yves Le Drian, hennezh war ar renk d'ar mare-se, « e oa bet degemeret a unvouezh e 2004 ur mennad oc'h anzav ez ofisiel ar brezhoneg hag ar gallaoueg evel yezhoù Breizh tal kichen ar galleg ».

Ar C'hoursez a zo kerse ganti peogwir eo aet, war a seblant, ar mennad-se en drouziwezh a benn ar fin, marteze dre ma'z eo graet gant ar stad a zifrae er mare-mañ da stankañ an hent da gement komzenn demokratel o tirenkañ an talbenn nasional republikan divizet e Paris.

Aliesoc'h eget biskoazh e c'houlenn an ober gant yezhoù hor bro war an dachenn foran un emzalc'h dieub. Gedal a reer betekhenn an disterañ hardizegezh a berzh hon dilennidi a Vreizh.

E Kemper d'an 21 a viz Kerzu 2015

Per-Vari Kerloc'h, Drouizh Meur Breizh

° Goulennoù gant ar C'hoursez ha respontoù gant Jean-Yves Le Drian (e galleg) : (voir le site)

• François Bayrou : un Premier ministre au tournant des langues régionales ? par ChatGPT le 14/12/2024
• Emmanuel Macron : « Les langues régionales sont un instrument de division » par ChatGPT le 19/11/2024
• Catherine Vautrin en Corse pas vraiment rassurante ! par François Alfonsi le 30/10/2024
• Catherine Vautrin en Corse : Régions et Peuples Solidaires appelle l’Etat à enfin aboutir sur l'autonomie par RPS le 25/10/2024
• La Corse dans le discours de Michel Barnier à l'Assemblée Nationale par François Alfonsi le 03/10/2024
• Conférence RPS : Langues régionales le 24 aôut à Bayonne par RPS le 06/08/2024
• Crise de régime : la situation en Corse par François Alfonsi le 12/07/2024
• Proposition de loi pour favoriser l’enseignement des langues régionales en Outre-mer par Le blog de paul Molac le 01/06/2024
• Réforme de l’enseignement : Paul Molac interroge le Gouvernement sur le sort des langues régionales par Le blog de paul Molac le 07/05/2024
• Loïg Chesnais-Girard, Président de la Région Bretagne, demande la généralisation des réformes envisagées pour la Corse par La rédaction le 13/03/2024