Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Communiqué de presse -
Sinadur ar garta Ya d’ar brezhoneg gant kumun Skaer.
Er sal nevez “Youenn Gwernig”, anvet diwar ar c’haner hag ar skrivagner brudet, eo bet aozet al lid-sinañ dirak dilennidi, annezidi eus ar gumun ha tud kar o yezh. An Itron Triché, maerez ha kuzulierez-departamant, he deus sinet engouestl he c’humun dirak an Itron. Lena Louarn, prezidantez Ofis ar Brezhoneg, d’ar
Visant Roue pour Office de la Langue Bretonne le 20/04/07 15:00

Er sal nevez “Youenn Gwernig”, anvet diwar ar c’haner hag ar skrivagner brudet, eo bet aozet al lid-sinañ dirak dilennidi, annezidi eus ar gumun ha tud kar o yezh.

An Itron Triché, maerez ha kuzulierez-departamant, he deus sinet engouestl he c’humun dirak an Itron. Lena Louarn, prezidantez Ofis ar Brezhoneg, d’ar Gwener 13 a viz Ebrel, a-benn tapout label live 1 ar garta Ya d’ar brezhoneg dindan 2 vloaz.

6 ober a zo bet dibabet dre votiñ gant ar C’huzul-kêr d’an 20 a viz Meurzh 2007 diwar ul listenn a 28 ober kinniget : staliañ panelloù divyezhek evit mont e-barzh ha mont e-maez ar gumun; sevel kartennoù-pediñ en div yezh evit an abadennoù sevenadurel aozet gant an ti-kêr; moullañ paperoù talbennet en div yezh ; skrivañ ar pennad-stur e brezhoneg er c'hannadig-kêr ; kemer perzh er c'houlzad bloaziek da gas war-raok ar c'helenn brezhoneg d'an oadourien ; aozañ un enklask da c’houzout piv a oar brezhoneg e-touez an implijidi.

En he frezegenn he deus meneget Lena Louarn hentad divyezhek skol publik Joliot Curie ma kaver ouzhpenn 10% eus ar vugale skoliataet er gumun. Gant ar sifr brav-se e weler sklaer pegen pouezus eo diorren un endro divyezhek evit ar vugale. Displeget he deus ivez e veze degemeret abaoe 30 vloaz gant kumun Skaer ar staj dre soubidigezh hollvrudet “Kamp Etrekeltiek ar vrezhonegerien” a zo bet darempredet gant miliadoù a zeskerien. An Itron Anna ar Beg, e karg eus ar c’hamp abaoe pell, a oa eno gant un toullad stajidi gozh deuet da vezañ brezhonegerien dibaoe a-drugarez ar gevredigezh-se.

Cet article a fait l'objet de 1319 lectures.
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 2 multiplié par 1) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons