ABP

- Agenda -

Bec'h de'i Yann Tiersen – Tiny Feet, dimeurzh war Brezhoweb

Dimeurzh 31 a viz Mae e vo deus un abadenn Bec’h de’i ! ispisial-kaer pa vo gouestlet da Yann Tiersen, ar soner breton brudet er bed a-bezh, ha Emilie Quinquis,

Par Corinne ar Mero pour Brezhoweb le 27/05/16 17:40

Dimeurzh 31 a viz Mae e vo deus un abadenn Bec’h de’i ! ispisial-kaer pa vo gouestlet da Yann Tiersen, ar soner breton brudet er bed a-bezh, ha Emilie Quinquis, plac’h Brest, brudet e bed ar rock arnodiñ e-giz Tiny Feet.

Kaoz a vo gant an daou arzour donezonet-hardî deus o buhez war Enez Eusa, tomm o c’halon outi, ha deus ar pladennoù emaint o peurlipat er mare-mañ.

Deus o raktresoù war an enezenn e vo kaoz ivez : o treuzfurmiñ ar voest-noz L’Escale e vezont a-benn ober diouti ur studio enrolliñ hag ur sal sonadegoù. Kalzig a raktresoù all a zo stag deus ar savadur neveshaet-se : pediñ sonerien deus ar bed a-bezh, a gemer perzh ingal er festivalioù e Breizh hag en Europa, da zont da bleustriñ, da grouiñ, da enrolliñ o sonerezh el lec’h dibar-mañ, ha da roiñ o muzik da vezañ klevet war-eeun war blas. Met stalieroù a vo aozet ivez evit an danvez-sonerien yaouank.

Anat deoc’h ivez e lakao Yann Tiersen hag Emilie Quinquis ar gaoz war ar brezhoneg, entanet anezhe o-daou gant yezh o bro e vezont o teskiñ en ur staj gant Stumdi, ha war an eskemmoù sevenadurel dre vras…

Evit flapat ha soniñ gante o deus pedet Ólavur Jakobsen da zont ivez, ur gitarour brudet anezhañ deus an inizi Feroe, bet stummet, peurgetket, e Akademiezh Sonerezh ar Rouaned e Copenhague.

Tud all a vo asambles gante c’hoazh, e-giz Andre Olivier, sot gant ar marc’h-houarn e-gizte o-daou, Klet Beyer (strollad Chapi Chapi), Kristen Falc’hon (sevenour filmoù), Lors Landat (soner, bet e Louisiana nevez zo)…

Un hunvre sonerezh dibar profet deoc’h war-eeun diouzh ar Run ar Puñs, ul lec’h burzhudus ivez !

Da welet war Brezhoweb (voir le site) dimeurzh 31 a viz Mae, da 8 eur 30 noz, pe war blas.

D’ar Gwener 24 a viz Even e vo adskignet an abadenn, istitlet e galleg, war ar chadennoù TVR, Tebeo ha Tebesud.

Voir aussi :

Bec'h de'i spéciale Yann Tiersen – Tiny Feet, 31 mai par Brezhoweb le 27/05/2016

An tele nemetañ e brezhoneg penn-da-benn ! Abadennoù evit ar re vras hag ar re vihan, filmoù, teulfilmoù, tresadennoù-bev, rummadoù, sitkomoù... Adkavit an holl brogrammoù e brezhoneg war lec'hienn Brezhoweb war-eeun etre 6e noz ha 10e30 noz, pe er replay pa faot deoc'h.

[ Gwelout pennadoù all Brezhoweb]

Vos 0 commentaires

Commenter :

Put your name here

ABP

Agir

Nous suivre