Goude komzoù Françoise Morvan e mediaoù Paris hag e Radio Arvorig, setu Mark o c'hervel an dud da respont asambles :
"RE ZO RE"
"Lennet pe klevet ho peus kaozioù Françoise Morvan diwar-benn ar brezhoneg e L'Humanité, Libération, Médiapart, Radio Arvorig, ha me 'oar petra c'hoazh, re he skoazellerien feal Mélenchon er skinwel, re Daniel Mermet e France Inter, re Eric Conan e Marianne, re un toullad perokeded all war o lerc'h, ... hep ankouaat Michel Onfray, barrek da dwitañ sotonioù evel un itron diboellet etre mogerioù un Elize pe un ego koeñvet bennak."
"Ne skuizhit ket o klevout seurt azenerezh, gant tud ha n'ouzont ger ebet eus ho yezh hag a deu d'ober skol deoc'h ? Gwell a se ! Rak n'eo ket echu ar bloavezh 2014. Kement-se a bad abaoe ouzhpenn 10 vkloaz, gant ar memes tud, ha kenderc'hel a raio keit ma chomimp evel deñved mut da c'hortoz ar gontell emañ ar c'higero lemmañ."
"Un dra a c'hallfemp ober : pediñ an arzourien,skrivagnerien, skolveuridi, kanerien vrezhonek, skiantourien a bep tu, da sinañ ur galv da lavarout ez eo skuizh ar vrezhonegerien hag ar re a labour evit ar yezh, gant ar seurt gwallvruderezh hag e c'houlennont digant ar bolitikerien disklêriañ o enebiezh ouzh ar gevier a vez kontet, ha sevel a-du gant Karta Europeat ar Yezhoù."
"Ur galv? Daou c'halv! Unanevit an arzourien, unan all evit ar c'hevredigezhioù. Evel-se e c'hallo mignoned Morvan dibab etre reiñ o skoazell d'ho mignonez pe d'o yezh. Evel-just e c'hallfe ar c'huzul sevenadurel, ma n'eo ket peurvarv, kemer perzh un tammig."
"Un dra all :lakaat ar Redadeg 2014 da huchal e pep lec'h a-hed an hent « Ro peoc'h d'ar brezhoneg, Françoise, ha serr da veg. » Kement-se a c'hall bezañ danvez ur genstrivadeg sevel kanaouennoù : 1000 euro d'an hini wellañ. An holl arzourien tomm ouzh o yezh a roio o skodenn
evel-just da skoazellañ ar c'hrouiñ en o yezh: neb a gar n'hall ket bezañ re dost ouzh e wenneien."
"Marteze e kavo gwelloc'h renerien ar Redadegpediñ Françoise ha Jean-Luc da redek, war un dro gant o holl mignonedkazetennerien eus Marianne, L'Huma hag all, a c'hallo evel-se embann pennadoù a feson db ar Redadeg,
evel gwir gazetennerien, war al lec'h evit ur wech, hep perokediñ war lerc'h Françoise."
- Les maisons géorgiennes : 250 ans d'histoire dublinoise ! par Kerne Multimedia le 19/09/2023
- Jean-François Bernardini : ur stourmer evit ar yezhoù gwasket par Kerne Multimedia le 23/08/2023
- Etre ar vezh hag al lorc'h : Becassine par Kerne Multimedia le 20/08/2023
- Kollog Breizh keltiek : Rozenn e kreiz ar stourm par Kerne Multimedia le 05/08/2023
- Keav : 400 den e korf div sizhun ! par Kerne Multimedia le 29/07/2023
- Plas an niverel e korseg e Korsika : eilvet prezegenn GBB par Kerne Multimedia le 06/07/2023
- Prezegennoù GBB : teir eurvezh da brederiañ a-ziwar dazont ar brezhoneg er bed niverel par Kerne Multimedia le 02/07/2023
- Tremen an DNB e brezhoneg : perak ne c'hellfent ket re Ziwan ober evel re Seaska ? par Kerne Multimedia le 25/06/2023
- Manifestadeg e Kemperle : kenderc'hel a ra ar stourm par Kerne Multimedia le 03/05/2023
- Emgav fenoz da 7e dirak pep Prefeti Breizh ha Bro C'hall par Kerne Multimedia le 30/03/2023