ABP

- Dépêche -

Glenmor an disuj : kan an hiraezh ...

Ken stag ouzh kalon ar Vretoned o deus anavezet anezhañ eo start mont a-enep ...

Par Fanny Chauffin pour ABP le 9/08/11 10:29

N'on ket bet plijet. Anat, ur sapre labour e oa, labour enklask, dastum dielloù, fotoioù, pennadoù kazetennoù, testennoù Zavier Grall, enrolladennoù kozh, labour bodañ kement a dud o deus anavezet anezhañ...

Anat e oa ur brav a labour gant ar sonerien, mouezh dispar Andrea ar Gouilh, fent Yvon Étienne, fent strollad ar Vro Bagan a oar mat dibuniñ testennoù brav ha leurenniet mat.

Petra a vanke neuze ? Ur c'hwezh, ur from. Re hir, re bounner, re lennet. Amzer ebet evit an arvester d'ober e hent, amzer ebet evit stlakañ an daouarn goude pep prantad kanet (adkroget e veze diouzhtu gant ar c'hoariva hep teurel kont eus c'hoant an arvesterien da enoriñ an dud o doa sonet ha kanet), re verr kanaouennoù Glenmor ha re hir ar pennadoù komzet, re izel ar mouezhioù goude bezañ klevet kanerien gant mikroioù ...

Re hir, anat. Hiziv an deiz, e pad un abadenn un eurvezh hanter d'ar muiañ. Perak chom teir eurvezh hanter neuze ? Kement a draoù a zo da lavarout diwar e benn ? N'eo ket gwelloc'h dibab nebeutoc'h a bennadoù ha leuskel ar plas da selaou e vouezh ?

Pedervet abadenn an Dihunerien. Gant Grall ' oan bet fromet : Yvon le Men o vevañ "Solo" eus an diabarzh, ur barzh oc'h enoriñ ur barzh all. Gant mouezh ar re a gane. Gant buhez pemdez Zavier e Sarcelles gant e strollad merc'hed. Met Glenmor, petra a vanke dit ? Da sigaretenn ? Tud fuloret eveldout e lec'h tud sioul ha sentus. Re a hirvoud a zo, re nebeut a youl evit an dud. Barzhed a zo da vezañ lennet bemdez, skrivet bemdez. Leo Ferré a lavare dija : "les plus beaux chants sont ceux de revendication".

Trawalc'h gant an amzer dremenet, Glenmor a vevo ma vo kanet hiziv pozioù a gan en divskouarn ar re yaouank ha pobl Breizh, gant kudennoù a-vremañ.

Voir aussi :

Disparition de Katell ar Skañv - Glenmor par La rédaction le 31/03/2024
Kenstrivadeg barzhonegou, Glenmor 2023 / Prix Glenmor de poésie 2023 par Institut de Documentation Bretonne et Européenne (IDBE) le 07/12/2022
25ème anniversaire de la disparition de Glenmor par La rédaction le 16/06/2021
Les personnalités bretonnes sur KuB ! par Breizh Creative le 12/06/2019
Kenavo ha trugarez Herve par Institut de Documentation Bretonne et Européenne (IDBE) le 26/03/2019
Hommages à Glenmor et à Jean Fréour par La rédaction le 05/07/2018
Hommage à Glenmor au jardin du Thabor par Dihunerien le 26/06/2018
Dédicace du livre consacré à Glenmor par Louis Bertholom et Bruno Geneste à Quimper par Spered Gouez / L'esprit sauvage le 15/11/2016

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Vos 3 commentaires

Yann Saîg Karadeg Le Mardi 9 août 2011 13:34

Setu ur bagad brav...
Milig ar Skanv, Leo Ferre, Xavier Grall, Jorj Brassens e kichenn Kadoudal, Jakez Brel an tu all d'ar gorre
Hag ur bern ar re yaouank..!
Ken plijus a vo bremaik!

(0)

Pol Kerneiz Le Mercredi 10 août 2011 11:07

Seurt lidou n'int netra 'med koun ha diskoun, Glenmor en doa boulc'het ur wenojenn deomp, pelloc'h eget ar c'hleuz... hag e chomomp da c'henaoui dirag al leur !

(0)

E. VIT Le Mercredi 30 novembre 2011 01:30

Seurt artikloù n'int ket a feiz ha na pegen didalvez seurt videoioù evit Breizh. Pouezus an deskadurezh da c'hellet sevel kritikerezh.

(0)

Commenter :

Put your name here

ABP

Agir

Nous suivre