En dibenn-sizhun diwezhañ e oa bet dalc'het gouel "Humanité" ar strollad komunour e Breizh, e park diskouezadegoù Lann-ar-Stêr. D'ar Sul, en he frezegenn, he deus eztaolet Marie-Georges Buffet he youl da vodañ an tu-kleiz enep-frankizour, daoust d'an LCR ha da José Bové bezañ sachet o skasoù gante.

Un 10 000 den bennak eo a oa deuet dindan an tri devezh, etre ar Gwener 24 hag ar Sul 26 a viz Du, da gemer perzh e gouel bloavezhiek ar PC. Ouzhpenn evit ar sonadegoù gant Erik Marchand hag ar Balkaniks, Christophe Mali pe vMerzhin, hag fest-noz vras, berzh-bras o deus graet an divizoù. E-mesk an temoù niverus a zo bet pledet gante e oa ar gwask hag ar c'helaouiñ ("Peseurt dazont evit ar c'hazetennoù war baper ?", "Penaos dielfennañ keleier an tele ?"), plas ar merc'hed er gevredigezh, dazont ar Reter-tostañ pe c'hoazh, enkadenn deskadurezh ar bobl... D'ar Sul goude lein e oa deuet Marie-Georges Buffet, sekretourez veur ar PC da gejañ gant izili ar strollad politikel, tud tost o mennozhioù deus re ar strollad, pe lod all deuet da bourmen hepken. Evel-just eo bet taget ar gouarnamant ganti en un doare feuls a-walc'h, Jacques Chirac, Dominique de Villepin ha Nicolas Sarkozy dreist-holl, evit o bilañs war dachenn an endro, ar surentez, digoradur ar servijoù publik d'ar c'hevezerezh... "Ret eo lakaat an tu-dehou da rentañ kont eus e vilañs. Arabat deomp leuskel alc'hwezioù ar Republik da vBush mod Bro-C'hall" emezi. Embannet he deus ivez e oa "nec'het a-walc'h gant programm ar strollad sokialour, hag a zo o vont war-zu an tu-dehou." Goulennet he deus digant "ar re a zo o c'halon deus an tu-kleiz" en em strollañ, keuz ganti o dije sachet o skasoù al LCR ha José Bové. Prometet he deus e rafe he seizh gwellañ evit reiñ startijenn d'an tu-kleiz enep-frankizour. Soñjal a ra dezhi e vefe e-tailh da vodañ anezhañ en-dro d'ur raktres boutin. "Kement-se kuit da ginnig dibab etre daou strollad hepken" hervezi.

Ar programm Deuet e oa Marie-Georges Buffet d'an Oriant gant kinnigoù niverus war ar pep brasañ eus ar c'hudennoù a vez chalet ar C'hallaoued gante ivez. Lakaet he deus war wel "Bro-C'hall pinvidik-mor deus un tu hag ar seizh milion a dud o vevañ gant nebeutoc'h evit 800 € bep miz eus an tu all." Setu perak e kinnig uhelaat ar SMIC betek 1500 € ar miz, uhelaat ar goproù hag ar skoazelloù sokial kuit d'ar feurmoù mont en tu all da 30% eus budjedoù ar familhoù. Kinniget he deus ivez e vefe sikouret muioc'h al labourerien-douar a zouj d'an en-dro. Goulenn a ra ma vo gwarezet al labour-douar diouzh ar c'henwerzh. Kinnig a ra e vefe krouet ur servij publik bras hag a galite evit merañ an deskadurezh, ar yec'hed hag an energiezh. "Un Unvaniezh Europat disheñvel a ranko bezañ goulennet start gant Bro-C'hall." Fellout a rafe dezhi tennañ splet eus eil c'hwec'hmiziad 2008, pa vo Frañs e penn Europa evit lakaat e pleustr un "emglev evit mont war-raok war dachennoù ar peoc'h, an demokratelezh, ar gevredigezh. Huñvreal a ra e-barzh ur VIvet Republik ma vije roet muioc'h a c'halloud d'ar c'hopridi en embregerezhioù ha ma vije kastizet ar re a gav gwelloc'h ar Yalc'h evit an implij. ABP/Ya !

• Emmanuel Grégoire et l’abbé Macron  par David Grosclaude le 23/11/2024
• Pays de Redon. La Bogue d’or, rendez-vous du « génie populaire » par Le blog de paul Molac le 05/11/2024
• Catherine Vautrin en Corse : Régions et Peuples Solidaires appelle l’Etat à enfin aboutir sur l'autonomie par RPS le 25/10/2024
• Gouvernement Barnier : des nominations inquiétantes par RPS le 24/09/2024
• Quelle future gouvernance en France ? par Marcel Berrou le 08/07/2024
• Après deux cycles de trois ans du Parlement de Bretagne réveillé, voici venir le troisième cycle ! par KAD le 01/07/2024
• Résolution pour la Réunification de la Bretagne à la XIXème Assemblée Générale de l'UNPO à Munich, les 11 et 12 mai 2024 : par KAD le 07/05/2024
• TER Nouvelle Aquitaine : quelle honte !   par David Grosclaude le 18/04/2024
• Les Braises de la Rencontre, le 5 mai 2024, sur le parc de sculptures mémorial de MAB Koad Sav Pell ! par MAB, Musée Archipel Breton le 16/04/2024
• Koun Breizh s’indigne : Non ! les festoù-noz ne sont pas des lieux réservés aux « attardés » ! par Koun Breizh - Bertaign Tenant - Mémoire-de-Bretagne le 07/01/2024