Emgav CGT - Diwan : frammañ ha kevratañ fonnusoc'h ar skolioù zo bet kaoz anezho.

-- Société --

Compte rendu de CGT-SNEIP
Porte-parole: Bertrand Deléon

Publié le 21/09/12 15:37 -- mis à jour le 00/00/00 00:00

D'ar Merc'her 19 a viz Gwengolo 2012 e oa bet ur strollad dileuridi ar KHL (CGT) – deskadurezh prevez, ennañ Pascale Pikol, sekretourez akademiezh, Olier Aofred, dileuriad sindikadel hag ar c'hoskor e Diwan, Bertrand Deléon, atebeg ar blein kentañ derez ha Fulup ar Braz, pennsekretour, o kaout pennrenerezh Diwan, dre e renerez, an Itron Anna-Vari Chapalain anezhi, e sez Diwan e Landerne.

Pelloc'h eget kinnig hon aozadur da geñver an emgav kentañ-se, en e ser degas soñj e oamp eno da zifenn ar c'hopridi, e oamp bet aet war ar c'hrafoù da-heul :

- Ar c'hevratañ er skolioù Diwan :

Meur a viz zo e oa bet kemennet ganimp pegen souezhet e oamp pa vez lakaet kemm eus ur skol d'eben er C'hwec'hkorn. Evit gwir e c'hall skolioù hanternoz Euskadi tremen, dre genemglev, dindan gevrat e-korf bloaz pa vez ret da zDiwan gortoz pemp bloavezh da nebeutañ.

Bet e oamp bet e Bro Euskadi e miz Mezheven o eskemm war gement-mañ gant kamaraded an Ikastolaoù.

Lavaret splann eo bet gant Diwan e youl da ziluziañ ar gudenn-se pa'z int aet e darempred gant an den « e karg eus ar yezhoù rannvro » nevez degouezhet e Ministrerezh an Deskadurezh Stad.

Diouzh he du e kaso ar KHL (CGT) ar gaoz war an diaezamant-se evit ar skolioù Diwan hag o gopridi gant rener gwazvod Vincent Peillon.

- Frammañ rouedad Diwan :

Nec'het omp gant mererezh skolioù zo a vez lakaet diaes gant tud ar vugale pe izili zo er gevredigezh, hollc'halloudus anezho. Lakaet hon doa war-wel divizoù, bet kemeret hep na vije bet goulennet ali tud a vicher an deskadurezh, a sav ouzh surentez ar skolidi, a laka amzer-da-zont ar skolioù hag aozioù labour ar c'hopridi en arvar. Daoust bezañ a-du war krafoù zo e tleomp lavaret e chom disheñvel hor selloù war an traoù diouzh tu Diwan ha hini KHL (CGT) – deskadurezh prevez. A-zivout dezvad ar renerezed hag ar renerien ez a an Itron Anna-Vari Chapalain da gadarnaat eo dezho da verañ an impliji a wir prevez. A-hend-all hon doa lavaret pegen truezus eo o stummadur.

- Kevratañ ar skolaerien (lakaat lezenn koazhadur an implij diasur da dalvezout) :

Hervez renerez Diwan n'eus tamm teuliad ebet d'ober war e dro er bloaz-mañ. Hogen e chomimp war evezh evit respont da gement goulenn zo gant ar c'hopridi.

- Dezvadoù disheñvel d'an implijdi ankelenn e Diwan :

Lakaet hon doa ar gaoz war un dezvad unvan evit an holl implijidi.

An dileuridi CGT.

Voir aussi :
mailbox imprimer
logo
Ho pediñ a ra ar CGT da zont diouzhoc’h en hec’h obererezh hag er vuhez sindikel, da vezañ lodek ha da ziorren enni. Ouzhpenn kargidi, dileuridi, dilennidi pe kannidi c’hoazh a ya da ober ar CGT. Kenober gant poell e 650000 ezel eo nerzh pennañ ar CGT a-benn gwellaat kerzh an holl. En em gavout a ra an holl c’hopridi « Asambles evit ober ».

Vos commentaires :

ANTI-SPAM : Combien font 3 multiplié par 3 ?
Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés. Par contre l'utilisation d'anonymiseurs pour modifier votre numéro ip entrainera la suspension de vos commentaires.

--Publicité--
yoran embanner