ABP

- Agenda -

Kafedi Istor - Breizh e grez an duged kapetat (1212-1341)

Kafedi Istor : "Breizh e grez an duged kapetat (1212-1341)" (lusket gant Rafael Urien) D’ar Sadorn 24 a viz C’hwevrer 2017, 2e30 goude merenn, e tavarn ar Finnegans, 46 straed Aristide Briand, KEMPER

Par Rafael Urien pour Kevredigezh Vrezhon le 18/02/18 14:22

Kafedi Istor : "Breizh e grez an duged kapetat (1212-1341)" (lusket gant Rafael Urien)

D’ar Sadorn 24 a viz C’hwevrer 2017, 2e30 goude merenn, e tavarn ar Finnegans, 46 straed Aristide Briand, KEMPER

Goude drouziwezh ar Blantajeneded e tegouezh, e 1212, e penn Breizh duged eus tiad Kapetiz, kendirvi rouaned Frañs. Gant Pêr Brizhkloareg hag e vab Yann Iañ Rouz e voe kendalc’het labour kreñvaat ar Stad vreizhat-kreiz diwar-goust ar varoned vras hag an Iliz pergen. En o grez avat, ha muioc’h c’hoazh e hini o warlerc’hidi (Yann II, Arzhur II ha Yann III), e sujas don an dugelezh da yev rouantelezh Frañs. Splann e voe al levezon c’hall diouzh ur sell politikel hag ensavadurel, met ivez denel (divroañ war-zu Bro-C’hall) ha kefredel (levezon mennozhioù, sevenadur, arz...Bro-C’hall). Daoust ma voe gant dale e tiorroas ar c’hêrioù gant savidigezh lec’hioù foran (koc’hu, ospitalioù, ilizoù…) hag astenn ar c’hêrioù war fabourzioù. Liammet e voe an diorren-se gant hini ar c’henwerzh hag an dornvicherioù.

War zonaat ez eas ar gristenidigezh, gant kendalc’h diorren urzhioù ganet a-raok (Sistersianed) pe reoù nevez krouet (kesterion : Frañsiskaned, Dominikaned…), pe personed hep o far (sant Erwan), ha pa vefe bet dre ziheñchañ lidoù kozh (Troveni Lokronan-Kerne, feunteunioù…).

Voir aussi :

Kafedi Istor : "Kemmoù kevredigezhel ha kevredadel, war ar maez pergen, abaoe an 19vet kantved" (lusket gant Rafael Urien) par Kevredigezh Vrezhon le 12/06/2024
Kafedi Istor : "Eus istor Mab-den da hini an denelezh : lignezouriezh, istor ar familhoù, istor lec’hel hag istor hollek" (lusket gant Rafael Urien) par Kevredigezh Vrezhon le 01/06/2024
Kafedi Istor - Gouel Piran : Istor Kerne-Veur hag un tañval eus ar c'herneveureg par Kevredigezh Vrezhon le 29/02/2024
Kafedi Istor - Gouel Dewi : Istor Kembre par Kevredigezh Vrezhon le 23/02/2024
Kafedi Istor e Kemper : "Studiañ an istor lec’hel" par Kevredigezh Vrezhon le 02/05/2022
Kafedi Istor en Henvig : "Studiañ an istor lec’hel" par Kevredigezh Vrezhon le 10/04/2022
Kafedi Istor : "Studiañ an istor lec’hel" par Kevredigezh Vrezhon le 11/12/2021
Kafedi Istor : par Kevredigezh Vrezhon le 11/10/2021

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

[ Gwelout pennadoù all Kevredigezh Vrezhon]

Vos 0 commentaires

Commenter :

Put your name here

ABP

Agir

Nous suivre