ABP

- Agenda -

Kafedi Istor - Krouidigezh Breizh (4re-9vet kantved)

Kafedi Istor - Krouidigezh Breizh (4re-9vet kantved), d'ar Sadorn 11 a viz Du 2017, e Kemper, tavarn ar Finnegans, 46 Straed Aristide Briand

Par Rafael Urien pour Kevredigezh Vrezhon le 7/11/17 0:29

Kafedi Istor : "Krouidigezh Breizh (4re-9vet kantved)"

(lusket gant Rafael Urien)

D’ar Sadorn 11 a viz Du 2017, 2e30 goude merenn, e tavarn ar Finnegans, 46 straed Aristide Briand, KEMPER

Tra ma chome Brezhoned 'zo, bountet ma voent gant tagerion liesseurt (Iwerzhoniz, Pikted, Angled-ha-Saksoned), e Kornôg Preden (Kernev-Veur, Kembre ha rouantelezhioù an Norzh), ha ma'z ergerzhe reoù all war-zu broioù pell a-walc’h (Galiza…) e tibabas ul lodenn anezho ober o annez e Gwalarn Galia. Petra a gavjont enno ? Daoust hag e chome traoù eus ar prantadoù kent ?

En o Britania nevez, "Ledav" a zeuio da vezañ "Breizh", e savjont frammoù politikel (rouantelezhioù evel Kernev, Bro-Ereg, pe ez astennjont o frammoù eus Preden, evel Devnon…), kevredigezhel (plouevioù…) ha relijiel (eus lannoù bihan da abatioù brasoc’h), dindan atiz ar "sent" pergen. Ha degas a rejont evel-just dreist-holl o yezh, ar "predeneg" deuet da vezañ "brezhoneg".

Stok ouzh ar Franked en em gavjont avat, o terc’hel ganto darempredoù tro-ha-tro a vrezel hag a beoc’h. Gant ar Garolingidi degouezhet e penn a Franked e 751 e teuio ar gwask da vezañ pounner-ouzh-pounner. Dont a rejont ar re-se da vougañ ar vroad vrezhon e deroù an 9vet kantved...a-raok dezhi d’en em zieubiñ diouto dizale...

Voir aussi sur le même sujet : Kafedi Istor, Preden, Brezhoned, brezhoneg

Kafedi Istor - Brezel Hêrezh Breizh hag e heuliadoù betek marv Yann IV (1341-1399) par Kevredigezh Vrezhon le 01/03/2018
Kafedi Istor : Preden dizalc'h ha roman, gant Rafael Urien e Gemper par Kevredigezh Vrezhon le 14/12/2016

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

[ Gwelout pennadoù all Kevredigezh Vrezhon]

Put your name here

ABP

Agir

Nous suivre