S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Poaniet meurbet emañ Kevredigezh "Bretoned ar Bed" da gemenn deoc'h emañ aet a-drak d'an anaon e brezidant Pierre-Yves Connan d'an 3 a viz Du.
Abaoe deroù ar bloaz 2003 e oa Pierre-Yves e karg ha bevañ a rae gant e familh e Bro-China... Labourat a rae evel ijinour e penn ur skipailh e ti Microsoft Shanghaï abaoe 1998.
Plijout a rae Pierre-Yves d’an holl, ken hegarat, diskred hag oberiant ma oa. Setu perak e oa bet saouzanet ha mantret gant keloù e varv, skignet d’ar 5 a viz Du da Guzul-ren hor c’hevredigezh, an holl re hag o doa e anavezet, dre e gemennadennoù kaset eus Bro-China pe en ur gejañ anezhañ e miz gouere e Teillay (35) e-barzh e familh.
Piv ac'hanomp en dije kredet en deiz laouen-se ez aje ken prim e bro an Anaon hor mignon yaouank, ha ken yac'h d’ar mare, tri miz goude ?
Derc'hel e ra Kuzul-ren "Breizhiz ar Bed" da reiñ da anavezout d'e gerent, d'e wreg ha d'e vab, emañ, e anv an holl izili ha keneiled eus "Breizhiz ar Bed", tost dezho e-kreiz ar boan da vezañ kollet o faotr ker.
Rouedad ar Vretoned divroet, e Shanghaï peurgetket, a ray e seizh posupl evit sikour ar familh kement hag e vo ret d'hen ober.
Evit Breizhiz ar Bed (Bretons du monde-OBE) Jean Voruz, Sekretour war an aferioù etrebroadel, Breizhiz a vro-Helvetia
Vidéos
Newsletters
Flux RSS - français
ABP sur Facebook
ABP sur X
Chaîne Youtube ABP