Armel Le Sec’h, livourez ha skrivagnerez

- Interview -

Daou romant evit ar re yaouank he deus skrivet, ha Beaj Owen a zo bet troet e kerneveureg hag e saozneg.

Fanny Chauffin pour ABP le 15/10/12 9:32

Daou romant evit ar re yaouank he deus skrivet, ha " Beaj Owen " (1) a zo bet troet e kerneveureg hag e saozneg.

ABP – Pet levr 'peus skrivet evit PAV (2) ha PAY(3) ? Peseurt hini 'n deus roet dit ar muiañ a blijadur ? Ar muiañ a labour ?

Armel Le Sec’h – Skrivet am eus ul levr evit PAV : " Ar sarpant bihan ", ha " Beaj Owen " evit Skol Vreizh ha laouen on bet ez eo bet troet e kerneveureg ha saozneg e miz Gwengolo ar bloaz-mañ. Hon istor deomp-holl gant Kerne Veur eo, hag a-bouez-tre evit ar vugale eu bep tu mor Vreizh.

Ur blijadur bras eo atav skrivañ evit ar re yaouank. N'eo ket ul labour, ur seurt follentez kentoc'h, un diskuizh eus va labour livourez. Livañ e vez atav ur strivadenn gwir (hag a blij kalz din ivez) n'ur c'hrouiñ, diouzhtu, un aergelc'h hag ul lec'h nevez, war al lien.

ABP – Ha tro'peus bet da vont e darempred gant ar re yaouank ? Er skol ? Er skolaj ?

Armel – Soñjal a ran neuze d'am bugale vihan, pevar am eus, pep seurt oad ganto. Unan anezho en ur skol divyezhek. Lenn a ra Rouzig gant kement a blijadur !!

Plijout a rafe din bezañ ur vamm-gozh gwir, pezh n'eo ket aes atav. Me, 'm eus bet ur gwir vamm-gozh hag ur sorserez e oa ivez. Em soñj ne c'hellfe tra fall ebet erruout din, ken warezet e oan ganti.

ABP – Peseurt raktresoù zo war ar stern ganit ?

Armel – O skrivañ un danevell pe ur romant all (n'ouzon ket evit ar mare) emaon, un istor korrig evel boaz. Evel-just an hini bravañ e vo.

ABP – Ha lennet ’peus levrioù all PAV ha PAY ? Peseurt re 'peus kavet ar re wellañ ?

Armel – Ya lennet am eus levrioù all PAV ha PAY. « Ronan ar c'horrigan », gant P.E.Marais am eus kavet plijus tre.

ABP – Deiz ha bloaz ar priz : petra 'pije c'hoant da lavarout d'an aozerien ?

Armel – Emañ AWEN Breizh hag hon dazont e pennoù ar vugale. A-bouez-tre labour an holl evit ma vijent gouest da grouiñ ur vro nevez. Ezhomm hor bo eus hon holl nerzh-krouiñ, gant ar c'hemmoù er bed endro deomp.

(1) " Beaj Owen " ( voir l'article ) e brezhoneg ha ( voir l'article ) e galleg.

(2) PAV : Priz ar Vugale

(3) PAY : Priz ar Yaouankiz

Voir aussi :

Priz Nobel al Lennegezh ha sonerezh Rap 'ba deiziataer ar miz ! par BREZHOWEB le 01/02/2024
Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
Lennegezh dre skrid ha dre gomz : ne c'heller ket komz brav hepti ! par Kerne Multimédia le 25/09/2017
Lennegezh bro Skos : Walter Scott par Kerne Multimédia le 06/08/2017
Kemper. Kafedi Lennegezh : Ar Sketla Segobrani, d'an 3 a viz Kerzu par Kevredigezh Vrezhon le 24/11/2016
Kafedioù Istor, lennegezh ha yezh 2016-2017 e Kemper par Kevredigezh Vrezhon le 16/10/2016
Barzaz Breiz e Maner Kernot : lennegezh Breizh e dilhad Sul par FC le 13/11/2015
Les fées ont une histoire, avec Claudine Glot par FC le 07/03/2015
Lennegezh Breizh hag an dour en Alre par FC le 02/03/2015
An dour en-dro d'an inizi en Alre par FC le 01/03/2015

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires

Commenter :

Put your name here

ABP

Embann

Nous suivre