Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Discours -
Ar brezhoneg : ur glad da zifenn, ur yezh da zeskiñ, eme ar Prezidant.

Josilin, miz Meurzh 2011.Deuet eo Nicolas Sarkozy da welout dilennidi ar Morbihan just a-raok an dilennadegoù kanton. Un doare da adtapout ar vrud fall tapet ar wech paseet, ha poentoù e sontadegoù.

Fanny Chauffin pour ABP le 9/03/11 23:35

Souezhus eo an Aotrou Prezidant. Sioul a-walc'h dirak an dud, prientet mat ar goulennoù hag ar respontoù. Hemañ a oar kaozeal, kea !

Ha kalonek an itron maer Pleskob, Nelly Fruchard hec'h anv, ur vaouez o stourm evit ar merc'hed, evit Breizh 5 departamant, hag evit ar brezhoneg, pa c'houlenn ouzh Nikolas Sarkozy ur statud evit ar brezhoneg.

Klaskomp adselaou ar pezh a zo bet lavaret gantañ :

- " yezhoù rannvroel , o finvidigezhioù, o glad sevenadurel a ra enor mammvro Bro C'hall ". Hep bout yezhourez, e c'hellfer goulenn : penaos e c'hell ur vro evel Frañs, goude bezañ flastret (hag o kenderc'hel da waskañ) ar brezhoneg, ar c'horseg, an euskareg, ... lavarout an dra-se ? Div vro, un identelezh skizofrenek marteze? Bugale div vamm emaomp, met pouezusoc'h eo ar vamm tri liv.

- "evidon, a-viskoazh em eus soñjet , n'eo ket ar brezhoneg un dra dañjerus evit an identelezh vroadel": neuze, a-benn nebeut,e vo staliet skolioù e brezhoneg e pep lec'h, degemeret e vimp mat e tiez post ar vro ha ne vo ket gwallgaset paotred Aita gant ar renerien ? Panneloù divyezhek e pep lec'h, ha brezhoneg e beg an holl.

- "laouen on o welout ar brezhoneg kelennet en diavaez ... war an eurvezhioù skol" : aze e vefe mat bout sklaer. N'eo ket memestra. Ul lapsus ?

- "a viskoazh 'm eus soñjet e oa ar yezhoù rannvro ur binvidigezh, ur glad sevenadurel hag a enor glad Bro C'hall. " Ur glad, evel ur c'hastell, ur vilin, gant divaskell na droont ket mui met ken brav eo da sellout outo ...

Voir aussi :
mailbox
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all gant Fanny Chauffin
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 3 multiplié par 6 ?