Put your name here

Ar bloaz-mañ, hag evit ar pempvet gwech, aozet e vo lodenn gentañ ar Skrivadeg e brezhoneg gant Ti ar Vro Kemper.

Al lodenn gentañ, evit Bro Gemper, a vo aozet d'an 8 a viz Meurzh 2008, da 2e goude-merenn, e Ti ar Vro Kemper, evel e vo graet un tamm pep lec'h e Breizh.

Digor d'an holl eo an darvoud dudius-se, a zo e bal bodañ tro-dro d'ar brezhoneg koulz tud yaouank ha tud koshoc'h, brezhonegerien ampart pe tud o teskiñ, skolidi, studierien, tud en oad.

Pemp rann a vo : CE hag oadourien o teskiñ, CM hag oadourien live etre, Skolaj hag oadourien barrek, Lise hag oadourien ampart, oadourien live uhel.

Prizioù ha profoù a vo roet d'al loreidi a c'hellint kemer perzh en eil tro a vo dalc'het er Faou, d'ar 17 a viz Mae 2008. Ur mare kafe a vo kinniget a-raok ar prizioù.

Folenn enskrivañ da gas en dro, araok ar 6 a viz Meurzh 2008, da :

Ti ar Vro Kemper. 3, Plasenn Familh Gabai. 29000 Kemper. 02 98 90 70 43