Put your name here

Votadegoù nevez a vo dalc'het e Saoudan (2.000 annezad, 44) ha Langoed (600 annezad, 35) d'an 8 a viz C'Hwevrer, goude bezañ aozet an hini gentañ e Sant-Widel (44) d'an 30 a viz Du 2014 (1). Mat-tre e oa bet an disoc'hoù, pa oa deuet 20 % eus ar boblañs da votiñ, hag en o zouez 75 % o sevel a-du evit adstagañ Liger-Atlantel da Vreizh.

Fellout a ra d'ar gensavenn Dibab-Décidez la Bretagne trugarekaat an annezidi o deus labouret start evit gwelet ar votadegoù dont da wir en o c'humun. Dre an ober-se e kasont war-raok an demokratelezh e Breizh.

Dipitet un tamm eo ar gensavenn Dibab-Décidez la Bretagne memestra pa n'eus ket muioc'h a gumunioù evit an eil koulzad-mañ. Puilh eo bet an darempredoù avat, ha dilennadegoù-departamant miz Meurzh o deus chalet lod evit mont betek penn moarvat. Ne ra forzh, dalc'het e vo votadegoù all ur wech tremenet an dilennadegoù-se.

Ouzhpenn an eil koulzad votadegoù-mañ e vo dalc'het emvodoù-foran dre ar vro evit kinnig raktres Dibab-Décidez la Bretagne hag eskemm warnañ. Menegiñ hini Sant-Ervlan (44) d'an 30 a viz Genver a c'heller, ha lod all a zo war sevel.

Pediñ a reomp an holl dud dedennet gant ar raktres a ginniger da grouiñ strolladoù lec'hel en o c'humun ha da vont e darempred gant ar gensavenn.

Ar gensavenn Dibab-Décidez la Bretagne

http://www.dibab.org/fr/ = lec'hienn Dibab

Un emvod boutin a vo dalc'het e Saoudan d'an 3 a viz C'Hevrer (8 e 30) evit kinnig ar votadeg d'an 8. ( voir notre article )

Ur pennad e galisianeg diwar-benn ar votadeg-mañ :

http://www.sermosgaliza.gal/articulo/internacional/estendense-consultas-populares-reunificacion-bretana/20150128134554034402.html : Esténdense as consultas populares sobre a reunificación de Bretaña

Os concellos de de Saoudan e Langoed toman o relevo do referendo feito en novembro a Sant-Widel-Skovrid. A campaña impulsada por Dibab (Bretaña decide) procura que o Loira Atlántico se una co resto de Breizh.

(1) Votadeg e Sant-Viaud : ( voir notre article ) , ( voir notre article ) et ( voir notre article )

• Votadegoù Barcelona : an istor gwir par Kerne Multimédia le 22/10/2017
• Bilan de "Dibab" : 1 an de votations pour la Réunification et l'Assemblée de la Bretagne par Dibab - Décidez la Bretagne le 02/12/2015
• Réunification de la Bretagne. Soulvache vote le dimanche 8 novembre ! par Dibab - Décidez la Bretagne le 27/10/2015
• Cinq communes votaient ce dimanche 18 octobre sur la Réunification et l'Assemblée de Bretagne par Dibab - Décidez la Bretagne le 20/10/2015
• Résultats des votations DIBAB du dimanche 18 octobre par Dibab - Décidez la Bretagne le 19/10/2015
• Votations citoyennes ce dimanche 18 octobre à Saint-Herblain par Dibab - Décidez la Bretagne le 12/10/2015
• Résultats de la votation Dibab à Treffieux (44) par Dibab - Décidez la Bretagne le 05/10/2015
• La votation Dibab à Treffieux pour la réunification de la Bretagne : 4 octobre par Dibab - Décidez la Bretagne le 02/10/2015