ABP

- Communiqué de presse -

LibreOffice 3.3.0 e brezhoneg !

LibreOffice a gemer plas OpenOffice.org a oa bet troet gant an Drouizig ivez. Un heuliad burevek eo LibreOffice. Digoust eo. Savet eo bet gant The Document Foundation. Petra a ginnig LibreOffice ?

Par Denis Arnaud pour An Drouizig le 29/01/11 7:33

LibreOffice a gemer plas OpenOffice.org a oa bet troet gant an Drouizig ivez. Un heuliad burevek eo LibreOffice. Digoust eo. Savet eo bet gant The Document Foundation.

Petra a ginnig LibreOffice deoc'h ?

Writer eo ar meziant da skrivañ testennoù (kewerier testennoù) e-kreiz LibreOffice. Gantañ, savit testennoù a bep seurt : lizhiri, danevelloù, levrioù. Enlakait skeudennoù, diervadoù enno. Barrek eo da grouiñ krennvaoù pe venegvaoù emgefreek. Ur geriadur da reizhañ ho skridoù a vez enporzhiet ivez. Galloudezh Writer a vasto hoc'h ezhommoù holl a-fet labour skrivañ.

Impress eo an doare aesañ da sevel kinnigadennoù liesvedia efedus. Bliverezhioù kaer hag efedoù arbennik dreist ho lakay da grouiñ kinnigadennoù o neuzioù micherel a zedenno evezh hoc'h arvesterion.

Draw a ro tro deoc'h da sevel diervadoù ha brastresoù diwar netra. Ur skeudenn a dalv muioc'h eget kalz gerioù, neuze grit gant boestoù ha diervadoù. Skeudennoù dialuskel mod 3M a vez savet gant Draw ivez.Ouzhpennañ efedoù arbennik, n'eo ket diaes.

Base eo stlennvon LibreOffice. Gant Base e vez enkorfet frammadoù ho stlennvonioù. Labourat a ra gant MySQL, PostgreSQL pe Microsoft Access ha kalz tarzhioù all. Krouet e vez stlennvonioù galloudus, enno skridfurmoù, danevelloù, gweloù hag azgoulennoù.

Math eo embanner skridoù jedoniezhel LibreOffice. Bommoù jedoniezhel, kimiezhel, tredanel a vez skrivet aes. Ataladoù skiantel a vez skrammet buan gant un doare skrivañ skouerikaet, betek an ataladoù kempleshañ.

Ur mollad da grouiñ restroù mod PDF a ginnig LibreOffice ivez. Gant teulioù mod PDF e vez kinniget skridoù kemplezh a bep seurt aes da lenn gant an holl reizhiadoù korvoiñ pe dost.

Enkorfet eo troidigezh an Drouizig e restr staliañ LibreOffice.

A-benn gouzout penaos staliañ LibreOffice, kit war lec'hienn an Drouizig :

(voir le site)

LibreOffice a roio tro deoc'h da labourat e brezhoneg gant ur meziant galloudus ha stabil. An heuliad burevek nemetañ troet e brezhoneg eo LibreOffice.

Graet eo bet labour treiñ LibreOffice gant : Alan Monfort, Philippe Basciano-Ar Gall, Michel Nedeleg ha Denis Arnaud.

Kavet e vo ur roll gerioù amañ

(voir le site)

Lec'hienn LibreOffice

(voir le site)

Lec'hienn The Doument Foundation

(voir le site)

Voir aussi :

A la table des bons vivants à Saint-Quay-Portrieux émisson animée par Laurent Mariotte par I.R. le 15/11/2024
Michael D Higgins, président de la République d'Irlande, reçoit le Collier de l'Hermine à Dublin par Philippe Argouarch le 13/11/2024
Prix du livre insulaire 2025 par Culture, arts et lettres des îles le 12/11/2024
Forum de l’Arbre, de la Forêt et du Bois par ROND VERT le 13/11/2024
Ar Redadeg : remise des chèques pour le soutien de la langue bretonne par ChatGPT le 12/11/2024
Christian Troadec : J'étais un élément turbulent car je demandais un vrai plan de sauvegarde de la langue bretonne par Philippe Argouarch le 12/11/2024
Exposition des artistes plasticiens OSTRE'ART 2024 par I.R. le 11/11/2024
Inauguration à Carhaix : hommage émouvant à la poétesse Anjela Duval et à Sébastian ar Balp, figure des Bonnets Rouges par Philippe Argouarch le 09/11/2024

Créée en 2003, l'association An Drouizig a pour but de développer l'usage de la langue bretonne dans le domaine des nouvelles technologies. Mozilla Firefox, ainsi que d'autres grands standards du logiciel libre comme son compagnon idéal, le logiciel de messagerie Mozilla Thunderbird ou encore la suite bureautique LibreOffice, les logiciels Gimp, Inkscape, Scribus sont également disponibles en breton.

[ Gwelout pennadoù all An Drouizig]

Vos 0 commentaires

Commenter :

Put your name here

ABP

Agir

Nous suivre