ABP

- Présentation de livre -

Tabutoù e salons al levrioù Karaez d'ar sul 25 a viz Here

D'ar sul 25 a viz Here e Karaez e vo un tabut diwar-benn al lennegezh evit ar yaouankiz e brezhoneg, da 11 eur vintin. 19 levr etre 1950 ha 1994,

Par Fanny Chauffin pour ABP le 13/10/09 15:09

D'ar sul 25 a viz Here e Karaez e vo un tabut diwar-benn al lennegezh evit ar yaouankiz e brezhoneg, da 11 eur vintin. Embannet oa bet 19 levr etre 1950 ha 1994, ha dibaoe, tost 12 levr pep bloaz... Petra a lak an embann evit ar re yaouank da greskiñ kement-se ? Ar skolajidi hag ar skolidi a glask boued da lenn, Priz ar yaouankiz, TES hag a embann romantoù gant goulennoù ha skeudennoù e-barzh ? Pedet eo bet an 12 skrivagner o deus skrivet ar bloaz-mañ evit ar re yaouank : perak skrivañ evito ? Kejet o deus ganto er c'hlasoù ? Ar vuhez a-vemañ hag o skridoù : liammoù a zo ?

An eil tabut e brezhoneg a vo da 3 eur goude merenn, hag a vo diwar-benn an embann e brezhoneg hiziv an deiz. Piv a embann ? Kazetennoù a zo, levrioù evit ar re deuet, n'eus ket kement-se, perak ? Piv a lenn romantoù hiziv an deiz ? Sikourioù a zo gant an Departamant Penn ar bed, ha gant ar re all ? Dazont an embann e brezhoneg : liammet gant an teknologiezhioù nevez ?

Pep tabut a vo troet en galleg gant dafar ofis ar brezhoneg.

Cet article a fait l'objet de 1249 lectures.

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Put your name here

ABP

Agir

Nous suivre