502 skoliad ouzhpenn zo gant ar c'helenn divyezhek (+3,3%) er bloaz-mañ. Gant Diwan emañ an dregantad kresk brasañ (+ 4% ; 3854 skoliad eus ar skolioù-mamm betek al lise), p'emañ
502 skoliad ouzhpenn zo gant ar c'helenn divyezhek (+3,3%) er bloaz-mañ. Gant Diwan emañ an dregantad kresk brasañ (+ 4% ; 3854 skoliad eus ar skolioù-mamm betek al lise), p'emañ izeloc'h kresk ar publik (+3,4% ; 6887 skoliad en holl) ha dreist-holl hini ar skolioù katolik (+2,6% ; 5099 skoliad en holl).
4 lec'h nevez zo bet digoret er c'hentañ derez : 3 gant ar publik (Ploueg-ar-Mor en Aodoù-an-Arvor, Kore e Penn-ar-Bed, Plañvour er Mor-Bihan), 1 eil skol e Roazhon gant Diwan pa chom digemm ar c'hinnig en deskadurezh katolik. 2 skolaj nevez zo gant un hentad divyezhek : e Gwened evit ar publik hag e Lannuon evit an deskadurezh katolik. 462 lec'h divyezhek zo en holl bremañ.
Evit ar wech kentañ ez eus 1 gumun enni ouzhpenn 700 skoliad divyezhek : Roazhon. Gwened a zeu-hi da vezañ ar gêr gentañ enni ur c'hinnig er skolaj gant pep hini eus an 3 hentad.
Muioc'h a ditouroù a vo kavet en teul da bellgargañ.
Documents liés
-
Sifroù distro-skol ar c'helenn divyezhek e 2014
Source : Ofis Publik ar Brezhoneg
Commentaires (2)
Pa oa bet krouet Ofis Publik ar Brezhoneg e oa bet lavaret deomp e vefe e giz-se efedusoc'h al labour hag e vefe muioc'h a nerzh evit divizout gant an deskadurezh skol. Goude 3 bloaz e vez gwelet en un doare splann n'eo ket gwir tamm ebet. Pa seller ouzh graphik digoradur ar skolioù nevez e weler n'eo ket bet digaset netra efedusoc'h gant ar fed m'eo publik bremañ Ofis ar Brezhoneg. Pelec'h emañ ar gudenn neuze?
@ Yvon Bordiec : Demat deoc'h. Krouet e oa bet an Ofis Publik e miz Gwengolo 2010 ha neuze eo diwar disoc'hoù an distro-skol e 2011 e c'heller priziañ al labour a zo bet graet. Abaoe 2011 ez eus bet digoret 18 lec'h nevez er 1añ derez publik pa oa bet digoret 12 hepken etre 2007 ha 2010. Aet eo an traoù war-raok neuze met evit mont buanoc'h ez eus ezhomm eus un emglev etre ar Stad ha Kuzul-rannvro Breizh a vefe sklaeroc'h hag uheloc'h e bal diorren. Da skouer, e Korsika eo skrivet en emglev Stad-Rannvro eo da nebeutañ 40% eus ar postoù a ya gant ar c'helenn divyezhek hag er bloaz-mañ e oa 50% zoken ; padal en Akademiezh Roazhon ne oa bet lakaet pal ebet war an dregantad a gelennerien divyezhek en emglev a oa bet sinet. Dre vras e Breizh ez a 10% eus ar postoù kinniget evit ar 1añ derez publik gant ar c'helenn divyezhek ha 90% gant ar c'helenn unyezhek. Ar binvioù-se hon eus ezhomm da gaout e Breizh ivez ha fiziout er framm publik a zo bet savet e 2010 ur gefridi sklaer war ar sevel ur steuñv diorren liesvloaziek. A galon, Ofis Publik ar Brezhoneg.