S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Bez emañ Stumdi o paouez degemer, d'an 8 a viz Gwengolo, 80 stajiad dispartiet war 4 lec'h stummañ : Aradon (56), Gwengamp (22), Landerne (29) ha Plañvour (56) evit ur prantad stummadur hir a echuo e fin miz Meurzh 2012.
Morse ne oa bet degemeret kement a stajidi gant an aozadur war ar stummadur-mañ.
Kevelerezh gant UCO Bretagne Nord ha Bretagne Sud
Abaoe 7 bloaz e veze roet kentelioù brezhoneg gant Stumdi da studierien en div UCO, eus miz Here da viz Even war an diplom skolveuriek « micherioù ha brezhoneg » .
Krouet ez eus bet gant an div UCO ha Stumdi, ur formulenn a zo bet lakaet e pleustr e 2010 e Gwengamp hag er bloaz-mañ e Aradon. Roet e vez tro d'ar studierien ha d'ar stajidi da heuliañ ar memes stummadur e-pad 5 miz, eus miz Gwengolo da viz C'hwevrer.
Kinniget e vo d'ar studierien un eil prantad-stummañ eus penn-kentañ miz Meurzh da fin miz Ebrel (modul sevenadur hollek, modul micher ha modul kelenn).
Bez e c'hello stajidi Stumdi klokaat o stummadur 6 miz (eus miz Gwengolo da viz Meurzh) gant ar stummadur uhel war ar brezhoneg 3 miz (eus miz Ebrel da viz Gouere) pe klask labour.
Kreizenn nevez e Aradon (56) : Divizet ez eus bet kinnig ul lec'h stummañ e Aradon rak meur a stajiad e Plañvour (56) a oa o chom e kichen Gwened pe Naoned. Soñjet hon eus e oa un ezhomm stummadurioù brezhoneg war an dachenn-mañ. C'hoant hon eus bet ivez kinnig stummadurioù da implijidi divyezhek Gwened hag a zo niverusoc'h-niverusañ war tachenn ar c'helenn. 12 stajiad a zo bet degemeret er bloaz-mañ. Gwelet e vez gant an niver a stajidi e oa talvoudus kinnig ur stummadur eno.
Kreizenn Gwengamp (22) : Kroget eo war al lec'h-mañ an trede distro-skol hag eo bet degemeret 9 stajiad er bloaz-mañ. Chom a ra stabil an niver a stajidi etre 2010 ha 2011.
Kreizenn Landerne (29) : 39 stajiad, rannet e tri strollad a zo bet degemeret er bloaz-mañ. Bep bloaz e vez tizhet an niver brasañ a stajidi.
Kreizenn Plañvour (56) : Krouet ez eus bet daou strollad evit degemer 19 stajiad. Abaoe 3 bloaz e chom stabil an niver a stajidi.
Prantad stumman a zeu : eus ar 5 a viz Genver d'an 13 a viz Gouere 2012 war ar 4 lec'h
Deuit da zizoleiñ hor stummadurioù war hol lec'hienn nevez :
www.stumdi.com
Vidéos
. Source :
Newsletters
Flux RSS - français
ABP sur Facebook
ABP sur X
Chaîne Youtube ABP